Heim

Blöndubotn

Eldri fréttir

Foreldrar

Heimili og skóli

Innkaupalistar

Íslenskuvefur

Íþróttamiðstöð

Kennsluvefur

Menntamál

Mentor

Myndir

Námsvefir

Olweus

Our school

Óvitinn

Símaskrá

Skjólið

Skóladagheimili

Skólamáltíðir

Skólaþróun

Skólaárið 2011-2012

Dagskrá

13:00  Mæting í skólann (ATH! Breyttur tími frá fyrri árum)

13:10  Gengið til kirkju

1. Hugvekja

2. Kór

3. Helgileikur - nemendur í 6. bekk

4. Kór

13:40  Jóladansleikur í íþróttasal

14:30  Litlu jól í stofum

15:30  Dagskrárlok

Nemendur eiga að hafa með sér smákökur og/eða kex og drykk. Gosdrykkir eru leyfðir en ekki sælgæti. Nemendur þurfa einnig að koma með sprittkerti og ílát undir það og litla jólagjöf. Miðað er við að gjöfin kosti að hámarki kr. 500,-.

Foreldrar er hvattir til þess að taka þátt í þeirri dagskrá sem fram fer í kirkjunni og íþróttasalnum.

Athygli er vakin á því að skóladagheimilið verður opið fyrir hádegi ef þörf er á. Foreldrar eru vinsamlega beðnir um að láta vita strax ef þeir hafa áhuga á að nýta sér það.

Skólastarf hefst að nýju samkvæmt stundaskrá miðvikudaginn 4. janúar.

Gleðileg jól!

Næstkomandi sunnudag, 27. nóvember, verður árlegur aðventudagur foreldrafélagsins haldinn í Blönduskóla. Dagskráin hefst klukkan 13 og stendur til klukkan 16. Að venju verður boðið uppá ýmiskonar föndurpakkningar, piparkökur til að skreyta, pappírsföndur og ullarþæfingu - allt á viðráðanlegu verði.

Fyrir þá sem þurfa pásu frá föndrinu verður spilahorn og þeir svöngu þurfa ekki að örvænta því 10. bekkingar verða með kaffihús.

Þá munu nokkrir nemendur úr Tónlistarskólanum spila fyrir okkur svo við eigum von á frábærum degi.

Mömmur, pabbar, ömmur, afar, frænkur og frændur - nú drífið þið ykkur af stað með börnunum ykkar og eigið ánægjulega stund í skólanum.

Með von um að sjá ykkur sem flest

Foreldrafélagið

Ágætu lesendur.

Því miður gengur okkur erfiðlega að koma nýjum upplýsingum og uppfærslum inn á vefinn og gætu því einhverjar undirsíður verið misvísandi. Biðjumst við velvirðingar á þessu  en hvetjum foreldra til að nýta sér tölvupóstsamskipti og nemendur og foreldra til að fara reglulega inn á Mentor.

Hinir árlegu kynningarfundir verða haldnir dagana 7. og 8. sept. nk.

Miðvikudagur, 7. september:

·          Olweusarfundur fyrir alla foreldra grunnskólans verður kl. 19:30 í Félagsheimilinu á Blönduósi. Guðbjörg Inga Guðmundsdóttir sérkennari í Árskóla og umsjónarmaður Olweusarverkefnisins á þessu svæði mun ræða um einelti, Olweusaráætlunina og niðurstöður eineltiskannanna síðustu ára.

·         Kynningarkvöld fyrir foreldra 1. – 5. bekkjar. Fundir hefjast kl. 20:45 og gert er ráð fyrir að þeim ljúki eigi síðar en kl. 21:45. Dagskráin fer fram í heimastofum viðkomandi bekkja þar sem foreldrar hitta umsjónarkennara barna sinna og farið verður yfir skólastarf vetrarins.

Fimmtudagur, 8. september:

Kynningarkvöld fyrir foreldra 6. – 10. bekkjar.

Fundir hefjast kl. 19:30 og gert er ráð fyrir að þeim ljúki kl. 20:30. Dagskráin fer fram í heimastofum viðkomandi bekkja þar sem foreldrar hitta umsjónarkennara barna sinna og farið verður yfir skólastarf vetrarins.

Mikilvægt er að allir nemendur eigi a.m.k. einn fulltrúa á þessum fundum.

Skólastjóri

Blönduskóli verður settur mánudaginn 22. ágúst næstkomandi kl. 11:00. Þeir foreldrar sem eiga eftir að skrá börn sín í skólann eru beðnir um að gera það sem fyrst hjá skólastjórnendunum Þórhöllu og Berglindi í síma 452-4147 eða með vefpósti á blonduskoli@blonduskoli.is. Nánari upplýsingar verða settar á vefinn þegar nær dregur.

Skólastjóri

Skólaárið 2010-2011 

Kæru útskriftarnemar,

við óskum ykkur til hamingju með þennan mikilsverða áfanga í lífi ykkar. Við viljum einnig þakka ykkur samfylgdina og óska ykkur alls hins besta í framtíðinni.

Einnig þökkum við foreldrum útskriftarnema fyrir gott samstarf í gegnum árin.

Starfsfólk Blönduskóla

Starfsfólk Blönduskóla þakkar öllum nemendum og foreldrum þeirra fyrir ánægjuleg samskipti á skólaárinu og vonar að þið njótið sumarsins. Hittumst hress og endurnærð í haust.

Skólasetning verður 22. ágúst nánar auglýst síðar.

Nýtt skóladagatal er komið á netið.

Til nemenda í 7., 8. og 9. bekk og foreldra þeirra!

Boðað er til fundar í Blönduskóla miðvikudaginn 25. maí kl. 19:00

Efni fundarins:

Kynning á valgreinum sem í boði verða skólaárið 2011-2012

Fundurinn fer fram í stofu 6.

Gott er að vera búinn að skoða valgreinabækling sem þið finnið hér til hægri

Með kveðju

Sigríður Bjarney Aadnegard aðstoðarskólastjóri

Í morgun lögðu nemendur 10. bekkjar af stað í langþráða útskriftarferð. 

Nemendur 9. bekkjar fóru að Fjósum í Svartárdal og unnu í skóginum með Páli Ingþóri.

Nemendur 8. bekkjar fóru að Þingeyrum og nemendu 6. bekkjar skelltu sér í Dalsmynni í Svínadal. 

Nemendur 4. og 5. bekkjar heimsóttu Gunnfríðarstaðaskóg og ef þið smellið á myndina hér til hægri sjáið þið hvað það var gaman hjá þeim.

Sýning á verkum nemenda, sem þeir hafa unnið í vetur, fer fram í „Nýja” skóla

miðvikudaginn 25. maí, frá kl. 17:00-19:00.

Allir hjartanlega velkomnir

Nemendur og starfsfólk

Blönduskóla

Miðvikudaginn 9. mars 2011 (öskudag)

verður hið árlega grímuball haldið

í Félagsheimilinu á Blönduósi

Dagskrá:

19:00  Húsið opnar

19:30  Marsering og dans

                   Slá köttinn úr tunnunni

Dans

21:15  Dagskrá lýkur

Aðgangseyrir:          kr. 400 fyrir grímuklædda

                                      kr. 800 fyrir aðra

                                      Frítt fyrir yngri en 6 ára

Börn, foreldrar og aðrir bæjarbúar eru hvattir til að koma grímuklæddir.

Starfsfólk og nemendur Blönduskóla

Ætli þessir mæti í ár?

Árshátíð skólans sem haldin var föstudaginn 25. febrúar var hin glæsilegasta að vanda. Að venju vorum við skólastýrurnar að rifna úr stolti yfir þessum frábæru nemendum sem eru skólanum okkar alltaf til sóma.

Sigurvegari  “Blönduvision” í ár var Albert óli Þorleifsson 8. bekk.

Viljum við þakka öllum þeim sem komu á árshátíðina og vonum að þeir hafi skemmt sér eins vel og við.

Kæru nemendur takk fyrir frábæra skemmtun, þið eruð æðisleg!

Þess má geta að leikhópurinn okkar tekur þátt í Þjóðleik sem er samstarfsverkefni Þjóðleikhússins og fjölda aðila á Norðurlandi með stuðning sveitarfélaga og fyrirtækja á svæðinu. Mun hópurinn taka þátt í leiklistarhátíð Þjóðleiks sem haldin verður á Akureyri helgina 1.-3. apríl.

Nemendur unglingadeildar tóku viðtöl við fjölda áhugaverðra persóna nú eftir áramótin. Þrjú viðtalanna voru birt í Skólablaðinu Vit en þar sem ekki var pláss fyrir fleiri var sú ákvörðun tekin að birta viðtöl líka á Óvitanum.

Hin árlega árshátíð

Blönduskóla

verður haldin föstudaginn 25. febrúarí Félagsheimilinu á Blönduósi.

Húsið opnar kl. 19:30.

Árshátíðin hefst kl. 20:00 og lýkur kl. 01:00.

Dagskrá hefst með ávarpi formanns nemendaráðs

Elínborgar Telmu Ágústsdóttur,

næst verður sýnt leikritið Iris, eftir Brynhildi Guðjónsdóttir og Ólaf Egil Egilsson,

í leikstjórn Jófríðar Jónsdóttur.

Eftir leikritið verða glæsilegar kaffiveitingar

og svo verður hin árlega og frábæra

Blönduvision sem allir bíða spenntir eftir.

Undirleikur er í höndum nokkurra nemenda úr elstu bekkjum skólans.  

Eins og venjulega verður happdrætti.

Að lokinni skemmtidagskrá fer fram dansleikur þar sem hinn

frábæri plötusnúður DJ Doddi Mix spilar fyrir dansi.

Miðaverð

6. bekkur og eldri kr. 2.000.-

1. – 5. bekkur kr. 1.000.-

6 ára og yngri fá frítt.

Vonandi sjá sem flestir sér fært að mæta.

Nú er prónakeppni milli  nemenda í unglingadeild og starfsmanna lokið með sigri nemenda. Prjónuðu þeir um það bil 20 cm lenga en starfsmenn. 

 Þökkum við starfsmenn nemendum fyrir skemmtilega og drengilega keppni og óskum þeim til hamingju.

Þessa dagana er verið að setja upp árshátíðarleikritið hér í skólanum. Það vantaði langan trefil og kom upp sú hugmynd að nemendur og starfsmenn prjónuðu hvor sinn helming og blásið var til keppni. Nú prjóna bæði nemendurog starfsmenn þegar lausar stundir gefast t.d. í frímínútum og hádegishléum. Keppnin virðist ætla að verða þó nokkur því síðasta mæling sýndi að nemendur hafa prjónað um 5 cm lengra en starfsmenn.

Þann 13. október s.l. mætti  8. bekkur Blönduskóla í skoðunarferð í Sölufélagið. Tilgangur ferðarinnar var að skoða starfsemina sem þar fer fram meðan sauðfjárslátrun stendur yfir en það er orðinn fastur liður að sá bekkur á unglingastigi þar sem náttúrufræðinám tengist líffræði, heimsæki fyrirtækið um þetta leyti árs.

Eins og vanalega var höfðinglega tekið á móti okkur og nemendum og kennurum fylgt um svæðið af þeim  Árnýju Þóru Árnadóttur og Margréti Kjartansdóttur sem útskýrðu verkferla og svöruðu spurningum áhugasamra nemenda og kennara.  

Skoðunarferðinni lauk svo í kaffistofu starfsfólks þar sem boðið var upp á sviðasultu smökkun og súkkulaðibita.

Á meðan nemendur gæddu sér á góðgætinu sýndi Árný þeim hvernig gerlasýni er tekið, einnig sýndi hún myndir af gerlum og útskýra hvernig þeir fjölga sér og hvers vegna nauðsynlegt er á vinnustað sem þessum að halda gerlum í lágmarki. Þökkum við kærlega fyrir móttökurnar.

Sjá meðfylgjandi myndir.

Kveðja

Lilja og Berglind

Í dag fengum við góða heimsókn á vegum bókmenntaverkefnisins „Skáld í skólum", en til okkar komu ljóðskáldið Aðalsteinn Ásberg og söngvaskáldið Svavar Knútur.

Þeir félagar sögðu okkur sögu Steins Steinarrs og röktu feril hans í ljóðum, söngvum og myndum. Skemmtileg og fræðandi sýning um þetta merka ljóðskáld sem þrátt fyrir stutta ævi og bág kjör afrekað svo mikið.

Í dag, 12. janúar, færðu nemendur í 9. bekk Blönduskóla Styrktarsjóði Húnvetninga andvirði jólagjafa litlu jólanna. Einn stjórnarmanna, Gunnar Tryggvi Halldórsson, kom í tíma til krakkanna og veitti gjöfinni viðtöku.

Venjulega skiptast nemendur á jólagjöfum á litlu jólunum en í ár ákváðu nemendurnir að gefa andvirði gjafanna til góðs málefnis. Styrktarsjóðurinn varð fyrir valinu „þar sem hann styður fólk á svæðinu okkar,“ svo orð þeirra séu notuð.

Fylgdu gjöfinni óskir um að hún komi að góðum notum.

Gunnar nýtti tækifærið og kynnti sjóðinn og starfsemi hans örlítið, ásamt því að segja frá hvaða félög og samtök  stæðu að honum. Var hann ekki í nokkrum vafa um að gjöfin kæmi sér vel, enda allir styrkir til sjóðsins vel þegnir.

Gleðileg jól og farsælt komandi ár

þökkum það liðna.

Kennsla hefst þriðjudaginn 4. janúar

samkvæmt stundaskrá.

Kveðja starfsfólk

Blönduskóla

Til umhugsunar

Því miður verða slys á börnum í tengslum við flugelda um hver einustu áramót. Flest þessara slysa verða hjá strákum og alvarlegustu slysin verða þegar meðhöndla flugeldavörurnar á annan hátt en ætlast er til.

Slysavarnafélagið Landsbjörg hefur undanfarin ár reynt að sporna við þessum slysum með ýmsum hætti, svo sem flugeldagleraugum og almennri fræðslu.

Miklu máli skiptir að gera börnum grein fyrir þeim hættum sem fylgja því að að búa til sínar eigin sprengjur, taka flugelda í sundur eða skjóta upp flugeldum sem þau hafa ekki aldur til að gera.

Slysavarnafélagið Landsbjörg útbjó myndbandið Ekkert fikt fyrir þremur árum. Markmiðið með myndbandinu er að gera börnum grein fyrir alvarleika þessa fikts.

Hægt er að skoða myndbandið á síðu félagsins http://www.landsbjorg.is/category.aspx?catID=569

Á fundi bæjarstjórnar Blönduósbæjar þann 21. desember síðastliðinn var samþykkt hækkun á gjaldskrá bæjarins.

Skólamáltíðir og einingaverð á skóladagheimili hækka um 5% frá og með 1.febrúar 2011 og verða sem hér segir:

Skólamáltíðir:

-yngri 368

-eldri 399

Gjaldskrá skóladagheimilisins

Dagskrá

14:00  Mæting í skólann

14:10  Gengið til kirkju

1. Hugvekja

2. Kór

3. Helgileikur - nemendur í 6. bekk

4. Kór

14:40  Jóladansleikur í íþróttasal

15:30  Litlu jól í stofum

16:30  Dagskrárlok

Nemendur eiga að hafa með sér smákökur og/eða kex og drykk. Gosdrykkir eru leyfðir en ekki sælgæti. Nemendur þurfa einnig að koma með sprittkerti og ílát undir það og litla jólagjöf. Miðað er við að gjöfin kosti að hámarki kr. 500,-.

Foreldrar er hvattir til þess að taka þátt í þeirri dagskrá sem fram fer í kirkjunni og íþróttasalnum.

Athygli er vakin á því að skóladagheimilið verður opið fyrir hádegi ef þörf er á. Foreldrar eru vinsamlega beðnir um að láta vita strax ef þeir hafa áhuga á að nýta sér það.

Gleðileg jól!

Nemendur unnu við margvísleg verkefni og afraksturinn var glæsilegur enda bara snillingar hér á ferð.

Myndir

Námsmat

Nú stendur yfir námsmatsvika í skólanum. Nemendur í 8. – 10. bekk fá svokallaða prófamöppu sem hefur að geyma próf úr öllum þeim greinum sem prófa á úr. Próftíminn er frá kl. 8:00-11:00 og hafa nemendur þrjá daga til að leysa prófin. Nemendur geta því  séð hvað þeir þurfa að læra betur og undirbúið sig fyrir næsta dag, einnig eru kennarar til viðtals eftir kl. 11:00 fyrir þá sem vilja og svara spurningum nemenda. Í öðrum bekkjum taka nemendur prófin í kennslustundum. Annarskipti verða 10.janúar og í framhaldi af því fá nemendur vitnisburð haustannar.

Skreytingardagur verður 10. des og Litlu jólin verða síðan haldin með hefðbundnum hætti þann 17. des.

Sjáumst

Velunnarar skólans færðu okkur á dögunum endurskinsvesti. Vestin koma að góðum notum sérstaklega nú í skammdeginu þegar nemendur fara í heimilisfræði. Hér á myndinni er nemendur úr 2. – 4. bekk að leggja af stað með Guðrúnu skólaliða og eins og sjá má eru allir vel sýnilegir.

Við viljum minna á mikilvægi þess að nota endurskinsmerki, ekki síst nú í svartasta skammdeginu.

Gjafir

Nú annað árið í röð sendir SAMAN-hópurinn öllum börnum í 5. bekk á landinu spilastokk að gjöf. Markmiðið er að hvetja til samverustunda fjölskyldunnar og á spilin eru prentuð heilræði til barna og foreldra sem undirstrika mikilvægi samveru fjölskyldunnar. Að baki heilræðum liggja  niðurstöður vísindalegra rannsókna sem hugmyndafræði SAMAN-hópsins  byggir á en hún er sú að samvera fjölskyldunnar sé ein besta forvörn sem völ er á. Verkefnið er styrkt af Pokasjóði

5. bekkur hér í Blönduskóla fékk sína spilastokka afhenta í morgun. Það er von SAMAN-hópsins að gjöfin nýtist börnum og fjölskyldum þeirra til innihaldsríkra og skemmtilegra samverustunda nú í desember og næstu árin, jafnt á tyllidögum sem hversdags.

Framtíðin í okkar höndum 8.-10. bekkur

Þessa þemadaga í unglingadeild var sjónum aðallega beint að sjálfbærni og þáttum henni tengdum.

Tekið var forskot á sæluna með því að heimsækja nýja gámasvæðið vikunni áður. Þar tók á móti okkur Vilhelm Harðarson frá Sorphreinsun V.H. og fræddi hópinn um svæðið og breytingar sem orðið hafa í sorphirðu og sorpurðun hjá Blönduósbæ síðustu árin. Að auki bauð hann rútuferðir fyrir alla nemendur skólans upp að nýja urðunarsvæðinu sem var mjög forvitnilegt og gaman að skoða.

Þemadagana sjálfa unnu nemendur í fjórum hópum sem þeir fengu að velja sjálfir. Verkefnin sem hægt var að velja um voru Heimurinn, Blönduós, Heimilið og Skólinn okkar (Grænfánaverkefni).

Nemendur sem völdu “Heiminn” veltu fyrir sér gróðurhúsaáhrifum, hvað þau eru, hvað orsaki þau, af hverju þau eru að verða vandamál o.s.f.v. Sérstaklega var sjónum beint að hlýnun á norðurslóðum og bráðnun heimskauta. Upplýsingar voru settar upp á veggspjöld.

Nemendur sem völdu “Blönduós” veltu fyrir sér nýja urðunarsvæðinu við Stekkjarvík, hversu stórt það er og hvers vegna þörf sé fyrir slíkt landsvæði fyrir sorp. Gerð voru 2 líkön af nýja skólanum og eitt af holunni við Stekkjarvík. Þrír nemendur kynntu sér hvers konar úrgangur fellur til hjá nokkrum fyrirtækjum í bænum, í hvaða magni og hvaða leiðir eru við förgun hans.

Nemendur sem völdu “Heimilið” skoðuðu flokkun heimilissorps og gerðu könnun meðal bæjarbúa um hvort og hversu mikið viðkomandi flokkar sorp. Einnig voru vottunarmerki skoðuð og búin til veggspjöld með upplýsingum um niðurstöður kannanana og vottunarmerkin.

Nemendur sem völdu “Skólann (grænfánaverkefni)” kynntu sér Grænfána verkefni Landverndar. Þeir skoðuðu hvaða skilyrði skólar þurfi að uppfylla til að geta orðið „Grænfánaskólar“. Þeir skoðuðu Blönduskóla, hver staða hans væri og hvaða breytingar þyrfti að gera á umhverfismálum í skólanum til að hann gæti orðið „Grænfánaskóli“. Nemendur  gerðu aðgerðaáætlun sem miðaði að því að umhverfisvæða Blönduskóla og undirbúa þannig umsókn fyrir Grænfánaverkefnið. Upplýsingar voru settar fram á veggspjöldum.

Framtíðin í okkar höndum 1.-4. bekkur

Krakkarnir voru undirbúnir með því að lesa söguna um Friðjólf pítsakassa og Freyju fernu (sorpa.is) og verkefni unnin í tengslum við hana. Farið var í vettvangsferðir í Gámaþjónustuna og stóra holan og svæðið í Stekkjavík skoðað. Allir krakkarnir fóru inn á umhverfisvefinn heimurinn.is í tölvum. Þetta kom þeim nokkuð vel inn í málin. Næstu daga á eftir var unnið að  fjórum mismunandi verkefnum.Verkefnin voru eftirfarandi:

·         Skálar úr pappamassa.

·         Servéttur límlakkaðar á krukkur.

·         Pennastatif á platta úr pappakössum.

·         Bókin Ruslaskrímslið lesin og rædd og verkefni unnin út frá henni.

Krakkarnir horfðu á fræðslumyndbönd af sorpa.is um endurvinnslu bæði raunveruleg og leikin. Síðasta daginn var svo sýning með afrakstri vinnu liðinna daga. Viðfangsefnin miðuðu öll að því að gera krakkana meðvitaðri um umhverfi sitt og hversu mikilvægt er að ganga um jörðina af virðingu en ekki með græðgi og yfirgangi.

Galíleósjónaukinn

Á alþjóðlegu ári stjörnufræðinnar 2009 tók hópur stjarnvísindamanna, stjörnuáhugamanna og raunvísindakennara sig til og útbjó sérstakan stjörnusjónauka með það í huga að gera undur alheimsins aðgengileg fyrir sem flesta.

Sjónaukinn er nefndur Galíleósjónaukinn eftir ítalska vísindamanninum Galíleó Galílei sem hratt af stað vísindabyltingu þegar hann beindi sínum heimasmíðaða sjónauka til himins.

Á þessu ári verður öllum grunn- og framhaldsskólum á Íslandi færður sjónaukinn að gjöf frá Stjörnuskoðunarfélagi Seltjarnarness, Stjörnufræðivefnum og landsnefnd um ár stjörnufræðinnar 2009.

Sunnudaginn 31. október voru þrír fulltrúar frá gjafahópnum þau Kristín Helga Schiöth, Ottó Elíasson og Sævar Helgi Bragason á leið um norðurland og hittu Þórhöllu skólastjóra Blönduskóla og afhentu henni sjónauka fyrir Blönduskóla, Húnavallaskóla og Höfðaskóla.

Þórhalla þakkaði þessa höfðinglegu gjöf og lofaði að sjá til þess að sjónaukarnir kæmust til skila.

Kæru foreldrar og forráðamenn

Nú á sunnudaginn, 21. nóvember, verður árlegur aðventudagur foreldrafélagsins haldinn í Blönduskóla.

Dagskráin hefst kl. 13 og stendur til kl. 16.

Að venju verður boðið upp á tréhluti til að mála, piparkökur til að skreyta, pappírsföndur og ullarþæfingu eins og í fyrra - allt á viðráðanlegu verði.

Fyrir þá sem þurfa pásu frá föndrinu verður spilahorn og þeir svöngu þurfa ekki að örvænta því 10. bekkingar verða með kaffihús.

Þá munu nokkrir nemendur úr Tónlistarskólanum spila fyrir okkur svo við eigum von á frábærum degi.

Mömmur, pabbar, ömmur, afar, frænkur og frændur - nú drífið þið ykkur af stað með börnunum ykkar og eigið ánægjulega stund í skólanum.

Með von um að sjá ykkur sem flest

Foreldrafélagið

Nú stendur yfir þemavika í skólanum okkar og ber hún yfirskriftina

„Framtíðin í okkar höndum“.

Viðfangsefnin eru margvísleg en öll miða þau að því að gera nemendur meðvitaðri um umhverfi sitt og hversu mikilvægt er að ganga um jörðina af virðingu en ekki með græðgi og yfirgangi.

Á morgun, föstudaginn 19. nóvember, munu svo nemendur setja upp sýningu í norðurenda Íþróttamiðstöðvarinnar. Þar verður til sýnis afrakstur þemavikunnar í formi endurunnina muna og fróðleiks.

Sýningin verður milli kl. 11:50 - 12:30 og gengið verður inn um skólainnganginn í suðurenda Íþróttamiðstöðvarinnar.

.

Matseðill fyrir desember

Smellið á myndina til að sjá fleiri myndir.

Í tilefni af Degi íslenskrar tungu hafa margir kennarar brotið upp hefðbundna kennslu og boðið upp á fjölbreytt verkefni.

Unglingarnir í Blönduskóla fundu ljóð um ákveðna staði á Íslandi ýmist í ljóðabókum eða á internetinu. Þeir skrifuðu svo ljóðin upp eða prentuðu út, merktu blaðið sitt með númeri og einnig títuprjón. Þeir fundu svo staðinn á landakorti og merktu með títuprjóninum, ljóðin voru hengd upp utan við kortið. Varð landakortið hið skrautlegasta en Norðurland og hálendið sýnilega þéttsetnast.

Var ekki annað að sjá en að verkefnið félli í góðan jarðveg.

Verkefni sem nemendur unglingadeildar Blönduskóla unnu á degi íslenskrar tungu, 16. nóvember, á síðasta ári er nú sýnilegt á vef Námsgagnastofnunar.

Verkefnið nefnist götuljóð og felst í því að finna texta í umhverfi sínu og sjá það ljóðræna við hann.

Nemendurnir fóru út með myndavélar og hluta verka þeirra má, eins og áður sagði, sjá á vef Námsgagnastofnunar.

Íslenskukennari skólans Magdalena Berglind Björnsdóttir fékk sendan póst frá umsjónarmanni verkefnisins þar sem fram kom að Blönduskóli væri eini skólinn sem hafi sent inn myndir.

Nú er bara að kíkja á vefinn og sjá hvað vakti athygli unglinganna fyrir ári síðan.

Íslensk götuljóð á vef námsgagnastofnunar

Leiksýningin Stúlkan í turninum.

Í tilefni af Degi íslenskrar tungu næsta þriðjudag, setti 5. bekkur upp leiksýningu byggða á sögunni Stúlkan í turninum eftir Jónas Hallgrímsson, en Dagur íslenskrar tungu er alltaf á fæðingardegi hans.
Haldnar voru tvær leiksýningar. Fyrst var þriðja og fjórða bekk boðið og síðan komu fyrsti og annar bekkur. Leiksýningin tókst mjög vel og leikarar stóðu sig með prýði.

Heimsókn í sláturhúsið

Fimmti bekkur heimsótti SAH afurðir á meðan á sláturstíð stóð. Við fengum góðar móttökur og skoðuðum alla staðina í sláturhúsinu nema banaklefann. Við fengum að sjá hvað gerist þegar skrokkur fer í gegnum færibandið og bæði ull, innifli og haus eru tekin af kindinni. Þá skoðuðum við hjörtu, lifur, nýru og lungu og fengum að koma við þetta. Í lokin var okkur boðið í matsalinn þar sem við fengum kökur og mjólk.

Eldgos á Blönduósi

Fimmti bekkur var með vísindaverkefni þar sem þau bjuggu til eldfjöll úr pappamassa og krukku.
Eftir að hafa málað og gert fjöllin flott, þá blönduðum við saman efnum sem létu fjöllin okkar gjósa. Verkefnið tókst mjög vel og er hægt að skoða eldgosin okkar á youtube.com undir “Eldgos á Blönduósi”.

Kveðja Helga

Nú stendur yfir sýning á verkum nemenda sem verið hafa í myndlistasmiðju nú í haust. Sýningin er staðsett á göngum í Nýja skóla. Hvetjum við alla sem ekki hafa séð þessi glæsilegu verk að koma og skoða.

Í byrjun október var Elfa Björk Sturludóttir leikskólakennarnemi hjá okkur í eina viku. Hún fylgdist með kennslunni, hjálpaði til og fleira.

Elfa Björk skilaði nýverið af sér lokaverkefni sem hún fékk að prufa á bekknum. Verkefnið gekk út á það að saga var lesin fyrir bekkinn og krakkarnir voru spurðir út úr henni jafnóðum svo fengu þeir að taka þátt í söguferlinu með því að setja fígúrur og annað inn á segultöflu þegar við átti í sögunni. 

Um miðjan október var farið í Fagrahvamm og trén skoðuð í haustbúningnum. Krakkarnir tíndu lauf sem voru pressuð. Auðvitað var svo farið í indijánaleik og klifrað í trjánum eins og apakettir. Seinna skoðuðu krakkarnir laufin sem þeir tíndu í víðsjá og unnu ýmis verkefni í tengslum við það. Þetta var voða gaman og tókst vel. Krakkarnir skoðuðu svo auðvitað allar flugur og fiðrildi í víðsjánni sem þeir fundu í gluggasillum bekkjarstofunnar ;-)

Smellið á myndirnar til að sjá fleiri myndir.

Kveðja Hrefna Ósk

Bergþóra, Kristófer, Þórunn, Árný, Halla, Hjálmar, Friðrik, Elínborg, Maggý, Benni, Íris og Alexandra

Dagskráin hefst kl. 8:00 á Norræna skólahlaupinu þar sem nemendur og kennarar velja sér vegalengd við hæfi, þ.e. 2,5 km eða 5 km. Skráning í 5 km hlaup er fyrirfram hjá umsjónarkennara vegna tímatöku. Áhersla er lögð á að allir séu með og hver og einn hlaupi á sínum hraða. Allir hafi endurskinsmerki og klæði sig vel (muna eftir húfu og vettlingum). Að loknu hlaupi hefst dagskrá í íþróttasal.

Dagskrá í íþróttahúsinu:

a)       Stöðvar í sal og á pöllum: Meðal annars verður keppt í:

Boccia: Allir með sem vilja.  Skráning hjá umsjónarkennara.

         Uppstökkskeppni: Allir með sem vilja. Skráning á staðnum.

Fitnessbraut: 5. - 10. bekkur. Skráning á staðnum. Tímataka.

         Klifurkeppni:  1. – 4. bekkur.  Skráning á staðnum.  Tímataka.

         Pílukastkeppni: Allir sem vilja. Skráning á staðnum.

         Hittnikeppni í körfubolta: Allir sem vilja. Skráning á staðnum.

b)       Bekkjarkeppni

1. - 4. bekkur: Þrautaboðhlaup. Allir með.

5. – 7. bekkur og 8. - 10. bekkur: Dodgeball

Skráning hjá umsjónarkennara.

Strákar og stelpur saman í liði. Átta inná í einu, frjálsar skiptingar,  hver leikur er að hámarki 5 mín.

ATH leyfilegt er að senda fleiri en 1 lið úr hverjum bekk.

c)       Kappleikur: Kennarar taka á móti 10. bekkingum í einhverri skemmtilegri íþróttagrein.

d)       Einhver skemmtilegur leikur í lokin ef tími vinnst til – Öllum heimil þátttaka.

ATH!!!  Dagskráin stendur yfir frá kl. 8:00 - 12:15 og engin kennsla er eftir hádegi. Gott er að hafa mjög gott nesti með þennan dag (hinir hefðbundnu drykkir verða seldir á svæðinu).

Hádegismatur verður á sama tíma og venjulega og að honum loknum lýkur skóladegi.

Foreldrar og aðrir gestir eru velkomnir.

Góða skemmtun!!
Íþróttakveðja,

Erla og Berglind
Íþróttakennarar
 

Hinir árlegu kynningarfundir verða haldnir dagana 8. og 9. sept. nk.

Miðvikudagur, 8. september

Kynningarkvöld fyrir foreldra 6. - 10. bekkjar

Kl. 19:30 í fundarherbergi í norðurenda Íþróttamiðstöðvar - gengið inn beint á móti Smárabæ.

Dagskrá:

1.   Mentor - Upprifjun og kynning á Mentor, samskipta- og upplýsingaforriti skólans - Hvernig geta foreldrar nýtt sér Mentor sem best og hvaða upplýsingar er þar að finna.

2.   Foreldrafélagið - Kynning á starfi félagsins.

Kl. 20:15 í heimastofum viðkomandi bekkja.

Dagskrá: Foreldrar hitta umsjónarkennara barna sinna og farið verður yfir skólastarf vetrarins.

Að loknum fundum er hægt að hitta skólastjórnendur í tölvustofu (Nýi skóli efri hæð) ef foreldra vantar nýjan aðgang að Mentor og eins ef einhverjir vilja fá frekari kennslu á forritið.

Fimmtudagur, 9. september:

Kynningarkvöld fyrir foreldra 1. – 5. bekkjar.

kl. 19:30

Sama dagskrá og 8. september og því geta þeir foreldrar sem eiga börn á báðum skólastigum komið kl. 20:15 annan daginn.

Mikilvægt er að allir nemendur eigi a.m.k. einn fulltrúa á þessum fundum.

Skólastjóri.

Þriðjudaginn 31. ágúst fóru unglingarnir í Blönduskóla í gönguferð með umsjónarkennurum sínum. Er þetta annað árið sem farið er í svona ferð, í fyrra var gengið á Spákonufell. Að þessu sinni var gengið upp frá Ystagili í Langadal og sem leið lá upp í Vatnadal. Nokkur hress ungmenni úr hópnum fóru svo lengra upp og gengu lengra upp á fjallið þar til þau sáu yfir í Sauðadal á Laxárdal.

Var gengið í blíðskaparveðri og sást vel yfir heimahagana ofan af Björnólfsstaðahnjúkum og svo auðvitað ofan af Langadalsfjallinu.

Skemmtu allir sér hið besta og ekki spillti góður félagsskapur fyrir.

Eftir gönguna var haldið í Húnaver þar sem allir hámuðu í sig hamborgara, fóru í leiki og hlustuðu á sögur fram yfir miðnættið.

Á miðvikudagsmorgun liðkaði hópurinn sig svo til og gekk inn að Þverárdal í sól og blíðu. Var ekki annað að sjá á hópnum en að ferðin hafi heppnast vel og heyrðist jafnvel umræða um hvort ekki væri möguleiki á að hafa svona gönguferðir oftar á skólaárinu.

Kennararnir vilja nota tækifærið og þakka þeim foreldrum sem voru svo góðir að keyra og sækja í þessari ferð. Án aðstoðar ykkar væri þetta ekki hægt. Þá er líka rétt að þakka unglingunum fyrir ánægjulega og lærdómsríka samveru.

Blönduskóli verður settur föstudaginn 20. ágúst næstkomandi kl. 11:00 í Blönduóskirkju.

Foreldrar eru hvattir til þess að koma með börnum sínum. Að lokinni skólasetningarathöfn munu nemendur hitta umsjónarkennara sína og fá afhentar stundatöflur.

Kennsla í 2.-10. bekk hefst samkvæmt stundaskrá mánudaginn 23. ágúst. Nemendur í 1. bekk verða boðaðir til viðtals með forráðamönnum mánudaginn 23. ágúst og hefja nám samkvæmt stundaskrá þriðjudaginn 24. ágúst.

Þeir foreldrar sem eiga eftir að skrá börn sín í skólann eru beðnir um að gera það sem fyrst hjá skólastjóra.

Halla Bernódusdóttir verður á skóladagheimilinu 20. ágúst strax að lokinni skólasetningu til kl. 13:00 og veitir upplýsingar og tekur niður pantanir vegna lengdrar viðveru, sem boðið er upp á fyrir nemendur í 1.-4. bekk. Nauðsynlegt er að þeir foreldrar sem hyggjast nýta sér þessa þjónustu skrái börn sín þennan dag. Hægt er að nálgast upplýsingar um skóladagheimilið á heimasíðu skólans. Einnig er hægt að senda skráningu á hallab@blonduskoli.is og verða þær skráningar að berast eigi síðar en 20. ágúst.

Skólastjóri

Skólaárið 2009-2010

Nemendur 10. bekkjar ásamt umsjónarkennara

Kæru útskriftarnemar,

við óskum ykkur til hamingju með þennan mikilsverða áfanga í lífi ykkar. Við viljum einnig þakka ykkur samfylgdina og óska ykkur alls hins besta í framtíðinni.

Einnig þökkum við foreldrum útskriftarnema fyrir gott samstarf í gegnum árin.

Starfsfólk Grunnskólans á Blönduósi

Starfsfólk Grunnskólans á Blönduósi þakkar öllum nemendum og foreldrum þeirra fyrir ánægjuleg samskipti á skólaárinu og vonar að þið njótið sumarsins. Hittumst hress og endurnærð í haust.

Skólasetning verður 20. ágúst nánar auglýst síðar.

Vorhátíð og skólaslit fara fram þriðjudaginn 1. júní.

Vorhátíðin verður með hefðbundnu sniði og hefst kl. 11:00 og lýkur um kl. 13:00.

Skólaslit Grunnskólans á Blönduósi fara fram í bíósal Félagsheimilisins á Blönduósi Þriðjudaginn 1. júní kl. 18:00.

Skólastjórnendur

Kæru foreldrar/forráðamenn

Þeir sem eiga eftir að koma og athuga hvort þeir eigi ekki eitthvað í óskilamunum eru beðnir um að gera það eins fljótt og hægt er. Mjög mikið er i óskilum eftir veturinn og viljum við nota tækifærið og hvetja ykkur til að merkja föt barnanna.

Einnig eiga einhverjir eftir að taka listgreina-möppur heim. Allt þetta er hægt að nálgast á 1. hæð í „Nýja skóla“.

Kveðja

starfsfólk skólans

Til nemenda í 7., 8. og 9. bekk og foreldra þeirra!

Boðað er til fundar í Grunnskólanum á Blönduósi mánudaginn 31. maí kl. 17:15

Efni fundarins:

Kynning á valgreinum sem í boði verða skólaárið 2010-2011

Fundurinn fer fram í stofu 5.

Gott er að vera búinn að skoða valgreinabækling sem þið finnið hér

Með kveðju

Sigríður Bjarney Aadnegard aðstoðarskólastjóri

Nemendur í unglingadeildinni tóku sig til í dag og sópuðu og týndu rusl í kringum skólann sinn.

Í dag er vorsýning og svo verður kosið í skólanum á laugardag og því mikilvægt að sé hreinlegt og fínt.

Krakkarnir stóðu sig alveg sérstaklega vel og líta nýju tröppurnar alveg einstaklega vel út svona nýsópaðar.

Nú er um að gera að drífa sig á vorsýninguna til að sjá verk nemenda sem eru alveg einstaklega fjölbreytt og fín í ár.

Myndir frá vordögum koma jafnt og þétt inn á myndavefinn.

Mánudaginn 17.maí fékk 1. bekkur góða heimsókn. Jóhannes Þórðarson kom færandi hendi og færði hverjum nemanda reiðhjólahjálm.

Allir voru mjög glaðir og þökkuðu kærlega fyrir sig.

Jóhannes kemur á vegum Kiwanishreyfingarinnar, sem hefur sinnt því mikilvæga hlutverki undanfarin ár, að gæta þess að öll börn í fyrstu bekkjum grunnskóla eigi hjálm, sér til verndar.

Í dag og gær fjölgaði mjög í Grunnskólanum á Blönduósi þegar 12 hænuungar klöktust úr eggjum. Halla Björg Bernódusdóttir á skóladagheimilinu var búin að vera með eggin í útungunarvél í þrjár vikur og börnin fylgst spennt með ferlinu allan þann tíma.

Nú var svo komið að því að ungarnir birtust.

Höllu hefur dreymt um að gera þetta í mörg ár og nú er þessi draumur loks að rætast.

Nemendur grunnskólans njóta svo góðs af ævintýraþrá Höllu því þeim býðst fljótlega að koma og „heimsækja“ ungana á skóladagheimilið.

Ungarnir eru allir af gamla íslenska hænsnakyninu og eru einstaklega litskrúðugir og fallegir. Þeir eiga svo bókað öruggt heimili þegar skólinn fer í sumarfrí.
Það eru spennandi tímar framundan hjá nemendum í skólanum við að fylgjast með ungunum dafna. huni.is

Góðir gestir heimsóttu okkur í morgun, það voru hinir landsþekktu tónlistamenn Björn Thoroddsen gítarleikari og Gunnar Hrafnsson kontrabassaleikari. Tónleikarnir eru á vegum verkefnisins „Tónlist fyrir alla“

Úr kynningu tónleikanna:  „Í þessari dagskrá fara þeir félagar um víðan völl í tónlistinni, allt frá flugi „Óðu býflugunnar“ til Michael Jacksons.  Þetta er tónlistarveisla með gleðina í fyrirrúmi en á bak við býr að lauma ýmsum sannindum tónlistarinnar að áheyrendum:  Hver takturinn er og hvernig hann getur breyst fyrirvaralaust og hvernig tónlistin túlkar hlátur og grát.  Á tónleikunum eru hlustendur virkjaðir til þátttöku með söng, klappi og hreyfingum en markmiðið er að þeir gleymi sér í skemmtun og taki með sér fróðleik og ánægju frá tónleikunum“.

Allir nemendur skólans sóttu tónleikanna og skemmtu sér mjög vel, töluðu listamennirnir um að nemendur hefði verið skemmtilegir og gaman að spila fyrir þá.

Þökkum við þeim félögum fyrir frábæra skemmtun.

Pöntunarblað fyrir maí er komið á netið.

Þess má geta að nemendur 8. bekkjar gerðu matseðilinn fyrir maí.

Myndir frá sumarskemmtuninni eru komnar á myndasíðuna.

Pöntunarblað fyrir maí er komið á netið.

Hin árlega sumarskemmtun Grunnskólans á Blönduósi

verður haldin  sumardaginn fyrsta, 22. apríl. 

Nemendur í 1.-7. bekk sjá um öll skemmtiatriði 

undir leiðsögn kennara.

Skemmtunin hefst kl. 13:30.

Aðgöngumiðinn kostar kr. 1000.  

Ókeypis aðgangur er fyrir börn fædd 1997 (7. bekk) og yngri. 

Með sumarkveðju, starfsfólk Grunnskólans á Blönduósi.

Myndir úr skíðaferð 7. - 10. bekkjar eru komnar á netið.

Ferðin gekk í alla staði mjög vel Óli, Berglind og Mummi voru fararstjórar og voru óþreytandi við að aðstoða skíðafólkið.

Fimmtudaginn 15. apríl fara svo 5. og 6. bekkur

Hér á myndinni til hægri má sjá hvað Óli íþróttakennari stóð sig vel.

Mánudaginn 22. mars var góð mæting á fund sem haldinn var fyrir foreldra og nemendur í  9. og 10. bekk. Markmið fræðslufundarins var að styðja foreldra og nemendur og auðvelda þeim þær ákvarðanir sem nemendur standa frammi fyrir þegar grunnskólagöngu lýkur. Jafnframt að kynna fyrir þeim inntökuskilyrði í framhaldsskóla, umsóknarreglur og áfangakerfi.

Á fundinn mættu einnig  góðir gestir úr Skagafirði en Þorkell V. Þorsteinsson aðstorðaskólameistari og  Ingileif Oddsdóttir námsráðgjafi komu frá Frjölbrautaskóla Norðurlands vestra ásamt fulltrúum nemendaráðs.

Miðvikudaginn 24. mars komu foreldrar og nemendur 6. bekkjar, ásamt umsjónarkennara og skólastjóra, saman í skólanum og héldu útgáfuteiti.

Tilefnið var útgáfa bæklings sem er afrakstur samvinnuverkefnis foreldra og nemenda bekkjarins og inniheldur niðurstöður úr hópavinnu þar sem unnið er með ýmis málefni sem nemendum og foreldrum finnst skipta hvað mestu máli í leik og starfi.

Nemendur, sem áður í vinnuferlinu höfðu bakað vöfflur og boðið upp á kaffi og með því, skoruðu á foreldra varðandi veitingar í teitið og að sjálfsögðu brugðust allir vel við og var af nógu að taka.

Anna Margret Valgeirsdóttir stjórnaði síðan nokkrum leikjum af alkunnri röggsemi og tóku allir að sjálfsögðu þátt bæði nemendur og foreldrar.

Nemendur 8. bekkjar hafa unnið ötullega að verkefni á vegum Lýðheilsustöðvar; Reyklaus bekkur.

Þeir bjuggu til slagorðið Reyklaus = Heill haus og létu útbúa húfur með slagorðinu á.

Um þriðjungur allra nemenda skólans pantaði hjá þeim húfur og fékk með þeim bækling með upplýsingum um skaðsemi reykinga. Þessir krakkar eru greinilega stoltir af því að vera reyklausir – og er það vel.

Enn eiga nokkrir eftir að sækja sínar húfur og gott væri að það yrði gert sem fyrst. Hægt er að nálgast húfurnar í skólanum, t.d. hjá skólastjórnendum á mánudag og þriðjudag í dimbilvikunni.

Framsagnarkeppni grunnskólanna í Húnavatnsþingi sem tileinkuð er Grími Gíslasyni, fréttaritara, hestamanni og bónda frá Saurbæ í Vatnsdal, fór fram í félagsheimilinu Fellsborg á Skagaströnd 18. mars.  Keppendur voru 7. bekkingar úr Höfðaskóla, grunnskólanum á Blönduósi, Húnavallaskóla og  grunnskóla Húnaþings Vestra.  Keppnin var hörð og  jöfn en dómnefnd, sem í sátu meðal annars tvö börn Gríms Gíslasonar, varð að lokum sammála um að Lilja Karen Kjartansdóttir úr grunnskóla Húnaþings Vestra hefði staðið sig best.  Albert Óli Þorleifsson varð í öðru sæti og Benedikt A. Ágústsson í því þriðja. Báðir eru strákarnir úr grunnskólanum á Blönduósi. Hlutu sigurvegararnir peningaverðlaun frá Sparisjóðnum á Hvammstanga auk viðurkenningarskjals. Lilja Karen mun varðveita farandskjöld, sem Grímur Gíslason gaf til keppninnar, fram að næstu keppni að ári. Allir keppendurnir  fengu síðan tvenn bókaverðlaun.

Skólarnir í Húnavatnsþingi notuðu tækifærið og heiðruðu Þórð Helgason, formann dómnefndar og einn af upphafsmönnum stóru upplestrarkeppninnar og færðu honum örlítinn þakklætisvott fyrir hugsjónastarf sitt í þágu skólanna og íslenskunnar gegnum árin.  

Pöntunarblað fyrir apríl er komið á netið.

Þriðjudaginn 16. mars 2010, kl. 19:00, heldur 10. bekkur sitt árlega bingó í Félagsheimilinu Blönduósi.

10. bekkur Grunnskólans á Blönduósi

Athugið að bingóið hefst kl. 19:00 en ekki 20:00 eins og auglýst var í Glugganum.

Fimmtudaginn 18. mars verður lokahátíð „Framsagnarkeppni grunnskólanna í Húnavatnsþingi“ haldin í Fellsborg á Skagaströnd kl. 16:00.

Á hátíðinni munu nemendur í 7. bekk, sem valdir hafa verið úr skólum byggðarlagsins, lesa brot úr skáldverki og ljóð. Að lokum mun dómnefnd velja þrjá bestu upplesarana og veita verðlaun.

Skáld keppninnar að þessu sinni  eru Ármann Kr. Einarsson og Þorsteinn frá Hamri. Keppendur munu lesa úr verkum Þeirra, sem og ljóð að eigin vali.

Tilgangur keppninnar er að glæða tilfinningu og metnað húnvetnskra grunnskólanema fyrir íslensku máli og framsögn.

Forkeppni fór fram í hverjum skóla fyrir sig þar sem valdir voru þrír keppendur sem fulltrúar hvers skóla.

Þeir keppendur sem taka þátt í keppninni fyrir hönd Grunnskólans á Blönduósi eru:

Halldór Skagfjörð Jónsson, Albert Óli Þorleifsson og Benedikt Axel Ágústsson.

Dómarar voru þau Guðjón E. Ólafsson, Kristín Guðjónsdóttir og Kolbrún Zophoníasdóttir.

Hin árlega árshátíð Grunnskólans á Blönduósi

verður haldin föstudaginn 26. febrúar í Félagsheimilinu á Blönduósi.

Húsið opnar kl. 19:30.

Árshátíðin hefst kl. 20:00 og lýkur kl. 01:00.

Dagskrá hefst með ávarpi formanns nemendaráðs

Margrétar Hildar Hrafnkelsdóttur,

næst verður sýndur söngleikurinn Kræbeibí í leikstjórn Jófríðar Jónsdóttur.

Eftir leikritið verða glæsilegar kaffiveitingar og svo verður hin árlega og frábæra Blönduvision  sem allir bíða spenntir eftir.

Undirleikur er í höndum nokkurra drengja úr elstu bekkjum skólans.

Eins og venjulega verður happdrætti.

Að lokinni skemmtidagskrá fer fram dansleikur þar sem hinn frábæri plötusnúður DJ Doddi Mix spilar fyrir dansi.

Miðaverð

6. bekkur og eldri kr. 2.000.-

1. – 5. bekkur kr. 1.000.-

6 ára og yngri fá frítt.

Vonandi sjá sem flestir sér fært að mæta.

Miðvikudaginn 17. febrúar 2010 verður hið árlega grímuball haldið í Félagsheimilinu.

Dagskrá:

19:00   Húsið opnar.

19:30   Marsering.

            Verðlaunaafhending.

Kötturinn sleginn úr tunnunni.

21:15   Dansi lýkur.

Aðgangseyrir kr. 300 fyrir grímuklædda.

                        kr. 800 fyrir aðra.

                        Frítt fyrir yngri en 6 ára.

Nemendur, foreldrar og aðrir bæjarbúar eru hvattir til að koma grímuklæddir. Veitt verða verðlaun fyrir frumlega og fallega búninga og góðan leik.

Skólastjóri.

Myndir komnar á vefinn

Pöntunarblað fyrir febrúar er komið á netið.

Við minnum á foreldrafundinn fyrir foreldra í 8. - 10. bekk  19. janúar kl. 19:30 í Félagsheimilinu.

Æskilegt er að hver nemandi eigi einn fulltrúa á þeim fundi. Foreldrum 7. bekkjar er velkomið að koma á þennan fund einnig þó svo efnið sé frekar í tengslum við það fræðsluefni sem eldri nemendur fá.

Um er að ræða forvarnarfræðslu á vegum Maritafræðslunnar. Maríta á Íslandi er forvarnasvið Samhjálpar. Aðalverkefni er samstarf á vettvangi forvarnafélagsins Hættu áður en þú byrjar er varðar fræðslu um skaðsemi fíkniefna. Sjá frekari upplýsingar á vefnum http://www.marita.is/

Gleðilegt ár

og takk fyrir það liðna.

Kennsla hefst þriðjudaginn 5. janúar

samkvæmt stundaskrá.

Kveðja starfsfólk

Grunnskólans á Blönduósi

Til umhugsunar

Því miður verða slys á börnum í tengslum við flugelda um hver einustu áramót. Flest þessara slysa verða hjá strákum og alvarlegustu slysin verða þegar meðhöndla flugeldavörurnar á annan hátt en ætlast er til.

Slysavarnafélagið Landsbjörg hefur undanfarin ár reynt að sporna við þessum slysum með ýmsum hætti, svo sem flugeldagleraugum og almennri fræðslu.

Miklu máli skiptir að gera börnum grein fyrir þeim hættum sem fylgja því að að búa til sínar eigin sprengjur, taka flugelda í sundur eða skjóta upp flugeldum sem þau hafa ekki aldur til að gera.

Slysavarnafélagið Landsbjörg útbjó myndbandið Ekkert fikt fyrir þremur árum. Markmiðið með myndbandinu er að gera börnum grein fyrir alvarleika þessa fikts. Nemendur 5.,6. og 7. bekkjar hafa horft á myndbandið og rætt saman um þá hættu sem skapast getur ef ekki er farið eftir þeim reglum sem gilda.

Hægt er að skoða myndbandið á síðu félagsins http://www.landsbjorg.is

Fulltrúar Landssambands slökkviliðs –og sjúkraflutningamanna (LSS) heimsóttu nemendur 3. bekkjar og fræddu þau um eldvarnir og færðu hverju barni ennisljós að gjöf. Nemendum gafst einnig kostur á að taka þátt í getraun sem sambandið stendur fyrir, dregið verður úr réttum lausnum á 112- deginum þann 11. febrúar. Höfum við frétt af því að ennisljósin hafi komið að góðum notum í rafmagnsleysinu á aðfangadag.

Á sama tíma heimsóttu fulltrúar Lionshreyfingarinnar einnig 3. bekk og færðu nemendum litabók en markmið bókarinnar er að virkja börnin sem brunaverðir heimilanna og kynna þeim brunavarnir inni á heimilunum.

Nemendur 5. bekkjar fengu að gjöf spilastokk frá Samhópnum. Á spilunum eru skilaboð þar sem áhersla er lögð á gildi samverustunda fjölskyldunnar. Vill hópurinn með því hvetja fjölskylduna til að verja sem mestum tíma saman.Verkefnið er styrkt af Pokasjóði. http://www.samanhopurinn.is

Dagskrá

14:00  Mæting í skólann

14:10  Gengið til kirkju

1. Hugvekja

2. Kór

3. Helgileikur - nemendur í 6. bekk

4. Kór

14:40  Jóladansleikur í íþróttasal

15:30  Litlu jól í stofum

16:30  Dagskrárlok

Nemendur eiga að hafa með sér smákökur og/eða kex og drykk. Gosdrykkir eru leyfðir en ekki sælgæti. Nemendur þurfa einnig að koma með sprittkerti og ílát undir það og litla jólagjöf. Miðað er við að gjöfin kosti að hámarki kr. 500,-.

Foreldrar er hvattir til þess að taka þátt í þeirri dagskrá sem fram fer í kirkjunni og íþróttasalnum.

Athygli er vakin á því að skóladagheimilið verður opið fyrir hádegi ef þörf er á. Foreldrar eru vinsamlega beðnir um að láta vita í síðasta lagi á miðvikudag ef þeir hafa áhuga á að nýta sér það.

Gleðileg jól!

Í dag var hin árlegi skreytingardagur. Dagurinn var mjög skemmtilegur. Hér var bakað, föndrað, spilað og skreytt og gátu allir fundið eitthvað við sitt hæfi. Ekki var að sjá annað en að allir hafi skemmt sér vel enda bara skemmtilegir krakkar í þessum skóla. Smellið á myndina hér til hægri til að sjá fleiri myndir.

Pöntunarblað fyrir janúar er komið á netið

Aðventudagur foreldrafélags Grunnskólans á Blönduósi verður sunnudaginn 22. nóvember frá kl. 13:00 – 16:00.

Dagskráin er nokkuð hefðbundin en á staðnum verður hægt að kaupa ýmislegt föndur, jólaskraut og piparkökur sem hægt er að skreyta á staðnum en einnig verður boðið upp á tónlistaratriði í boði nemenda í Tónlistarskóla A-Hún.

Aðventudagurinn er dagur fyrir alla fjölskylduna, líka afa, ömmu og önnur viðhengi. Nemendur 10. bekkjar sjá um kaffisölu til fjáröflunar fyrir bekkinn og spil verða í boði fyrir þá sem ekki eru í föndurstuði.

Foreldrar og forráðamenn athugið

• Veikist nemandi þannig að einkennin bendi til inflúensu, er honum ráðlagt að halda sig heima í tvo daga eftir að hann er orðinn hitalaus.

• Ekki er þörf á því að aðrir sem eru einkennalausir á heimili sjúklings haldi sig heima.

• Hreinlæti skiptir mestu máli í að draga úr smithættu. Þar ber fyrst að nefna handþvott og að fólk hafi á sér einnota pappírsþurrkur til að hnerra eða hósta í.

• Frekari upplýsingar er að finna á heimasíðu sóttvarnalæknis og almannavarnadeildar ríkislögreglustjóra á www.influensa.is.

Minnum á vetrarfríið föstudaginn 6. nóvember og mánudaginn 9. nóvember.

Í tilefni af kynningarviku Rauða krossins í komu fulltrúar frá Rauða kross deildinni í Austur-Húnavatnssýslu í heimsókn í Grunnskólann. Það voru þau Ingvi Þór, Einar Óli og Hafdís sem mættu með hina ágætu Önnu og lítið dúkku-ungbarn í kennslustund hjá unglingadeildinni. Þau sýndu unglingunum jafnframt fræðslumyndbönd og leyfðu þeim að prófa að blása, hnoða og ná aðskotahlut úr hálsi ungbarns.

Var ekki annað að sjá en unglingarnir væru áhugasamir og tilbúnir að æfa réttu handtökin.

Bæjarráð samþykkti nýja gjaldskrá skólamáltíða á fundi sínum 2. september sl. Bæjarstjórn staðfesti ákvörðun bæjarráðs á fundi 8. september. Verð á máltíð skólaárið 2009-2010 fyrir börn í 1.-4. bekk verður 348 kr. og fyrir börn í 5.-10. bekk 380 kr. Nýja gjaldskráin tekur gildi 1. nóvember 2009.

Einnig hefur Mjólkursamsalan fellt niður afslætti til skóla og því verðum við að hækka verð á léttmjólkinni og kókómjólkinni. Frá og með 14. október kostar 1/4 l af léttmjólk kr. 35.-  og 10 miðar kr. 350,- og 1/4 l af kókómjólk kr. 90,- og 10 miðar kr. 900,-

Í morgun fóru nemendur 1.- 4. bekkjar ásamt nemendum leikskólans  á leiksýninguna  ALLI NALLI OG TUNGLIÐ

Leiksýningin er byggð á sögum Vilborgar Dagbjartsdóttur og er flutt af Möguleikhúsinu.

Alli Nalli og tunglið hlaut tilnefningu til Grímunnar, íslensku leiklistarverðlaunanna, sem barnasýning ársins 2009

Leiksktjóri og höfundur leikgerðar Pétur Eggerz
Leikmynd og búningar Messíana Tómasdóttir
Tónlist Kristján Guðjónsson
Leikarar Alda Arnardóttir og Anna Brynja Baldursdóttir

Smellið á myndina til að sjá fleiri.

Þessir hressu krakkar Karen Sól, Júlía, Þórunn Erla og Pétur Arnar héldu tombólu í Samkaup í september og færðu skólanum sínum ágóðan. Vildu þau að peningunum yrði varið í tölvudót eða bækur á bókasafnið.

Viljum við skólastýrur þakka þeim kærlega fyrir þessa gjöf til skólans.

Nemendur á miðstigi eru að læra að prjóna þessa dagana. Gengur prjónaskapurinn mjög vel og nýtur mikilla vinsælda. Nokkrir nemendur voru að horfa á bíómynd og ákváðu að nýta tíman vel og prjóna á meðan horft var. Í dag er svo komið að drengir gefa stúlkum ekkert eftir í prjónaskap nema síður sé. Þetta vígi kvenna er að falla ef ekki þegar fallið.

Munið að skoða Óvitann reglulega.

Íþróttadagur Grunnskólans á Blönduósi verður haldinn fimmtudaginn 24. september. Eins og ævinlega byrjar dagurinn kl 8:00 á Norræna skólahlaupinu en að því loknu fara allir inn í Íþróttamiðstöð. Þar verður mikið húllumhæ og eitthvað fyrir alla. Nánari dagskrá er að finna hér.

Við hvetjum foreldra til að koma og taka þátt í deginum með okkur.

Myndir frá íþróttadeginum má finna hér.

Fréttir af íþróttadeginum má finna á hinum vinsæla Óvita.

Katrín Jakobsdóttir menntamálaráðherra mun heimsækja Grunnskólann á Blönduósi á íþróttadaginn, þ.e. fimmtudaginn 24. september. Með henni í för verða m.a. fulltrúar frá samtökunum Heimili og skóli. Heimsóknin er í tilefni af Foreldraverðlaununum 2009 sem skólinn hlaut fyrir verkefnið „Tökum saman höndum". Áætlað er að ráðherra og föruneyti komi í skólann um kl. 11:00.

Athugið pöntunarblað fyrir október er komið á netið.

Nemendur 1. bekkjar voru í tíma hjá Berglindi í dag og stóðu sig allir eins og hetjur. Hópnum var tvískipt og glímdu nemendur við bæði saumaskap og orðaspil. Var ekki annað að sjá en allir skemmtu sér hið besta en þeir gleymdu samt ekki að vanda sig. Þá var mikið spáð í stafi orðanna sem unnið var með og í hvaða röð þeir ættu að koma.

Sannarlega efnilegir krakkar þarna á ferð.

Bestu kveðjur  Berglind 

Óvitinn er fréttasíða fjölmiðlavals og var búin til í fyrra um þetta leiti. Hann birti fréttir og annað efni sem kom ekki bara frá fjölmiðlavali heldur líka unglingadeildinni og stefnum við á að halda því áfram. Óvitinn var hugmynd frá nemendum fjölmiðlavals í fyrra og mun vera hluti af fjölmiðlavali næstu árin allavegana.

En nú er Óvitinn aftur orðinn virkur svo kennarar, foreldrar og aðrir áhugasamir geta fylgst grannt með skólalífinu og öðru skemmtilegu sem birtist á vefnum. En hægt er að nálgast Óvitann í gegnum vefsíðu grunnskólans vinstra megin undir Óvitinn.

Fjölmiðlaval

Hinir árlegu kynningarfundir verða haldnir dagana 8. og 9. sept. nk.

Þriðjudagur, 8. september

Kynningarkvöld fyrir foreldra 6. - 10. bekkjar

Kl. 19:30 í stofu 9 (Nýi skóli neðri hæð).

Dagskrá: Starf skólahjúkrunarfræðings og kynning á viðbragðsáætlun vegna inflúensu A(H1N1).

Kl. 20:00 í heimastofum viðkomandi bekkja.

Dagskrá: Foreldrar hitta umsjónarkennara barna sinna og farið verður yfir skólastarf vetrarins.

Kl. 21:00 í tölvustofu (Nýi skóli efri hæð)

Dagskrá: Kennsla á Mentor, samskipta- og upplýsingaforrit skólans.

Miðvikudagur, 9. september:

Kynningarkvöld fyrir foreldra 2. – 5. bekkjar.

kl. 19:30

Sama dagskrá og 8. september og því geta þeir foreldrar sem eiga börn á báðum skólastigum komið kl. 20:00 annan daginn.

Miðvikudagur, 9. september:

Skólafærninámskeið fyrir foreldra barna í 1. bekk (fyrri hluti)

kl. 18:00

Dagskrá auglýst sérstaklega.

Mikilvægt er að allir nemendur eigi a.m.k. einn fulltrúa á þessum fundum.

Skólastjóri.

Grunnskólinn á Blönduósi verður settur fimmtudaginn 20. ágúst næstkomandi kl. 11:00 í Blönduóskirkju.

Foreldrar eru hvattir til þess að koma með börnum sínum. Að lokinni skólasetningarathöfn munu nemendur hitta umsjónarkennara sína og fá afhentar stundatöflur.

Kennsla í 2.-10. bekk hefst samkvæmt stundaskrá föstudaginn 21. ágúst. Nemendur í 1. bekk verða boðaðir til viðtals með forráðamönnum föstudaginn 21. ágúst og hefja nám samkvæmt stundaskrá mánudaginn 24. ágúst.

Þeir foreldrar sem eiga eftir að skrá börn sín í skólann eru beðnir um að gera það sem fyrst hjá skólastjóra.

Halla Bernódusdóttir verður á skóladagheimilinu 20. ágúst strax að lokinni skólasetningu til kl. 13:00 og veitir upplýsingar og tekur niður pantanir vegna lengdrar viðveru, sem boðið er upp á fyrir nemendur í 1.-4. bekk. Nauðsynlegt er að þeir foreldrar sem hyggjast nýta sér þessa þjónustu skrái börn sín þennan dag. Hægt er að nálgast upplýsingar um skóladagheimilið á heimasíðu skólans. Einnig er hægt að senda skráningu á hallab@blonduskoli.is og verða þær skráningar að berast eigi síðar en 20. ágúst.

Skólastjóri

Skólaárið 2008-2009

Í dag þann 4. júní veittu Heimili og skóli – landssamtök foreldra hin árlegu „Foreldraverðlaun“. Leitað var eftir tilnefningum um einstaklinga, fyrirtæki, stofnanir, sveitarfélög eða skóla á leik-. grunn- og framhaldsskólastigi sem stuðlað hafa að árangursríkum leiðum eða verkefnum til að efla samstarf foreldra og kennara

Grunnskólinn á Blönduósi var tilnefndur fyrir verkefnið "Tökum saman höndum" sem er samstarfsverkefni fræðslustjóra Guðjóns E. Ólafssonar, skólans, nemenda á unglingastigi og foreldra þeirra.

Markmið verkefnisins er að bæta líðan og námsárangur nemenda í unglingadeild grunnskólans á Blönduósi.

Það er okkur sönn ánægja að tilkynna að Grunnskólinn á Blönduósi og Fræðsluskrifstofa A- Húnavatnssýslu hlutu „Foreldraverðlaunin“ að þessu sinni og erum við öll ákaflega stolt og ánægð með þessa miklu viðurkenningu.

Í ár bárust 38 tilnefningar og auk foreldraverðlauna voru auk þess veitt hvatningarverðlaun fyrir verkefni sem dómnefnd telur að muni skila árangri til framtíðar þau verðlaun hlaut samstarfsverkefni Kópavogsskóla og Gjábakka. Markmið verkefnis er að brúa bilið á milli kynslóða. Verðlaunin dugnaðarforkur komu í hlut Bjargar Þorvaldsdóttur deildarstjóra sérkennslu við Nesskóla Neskaupsstað. Óskum við þeim til hamingju með verðlaunin.

10. bekkur með Önnu Margreti umsjónarkennara (á myndina vantar Stefán Hafsteinsson)
 

Starfsfólk Grunnskólans á Blönduósi þakkar öllum nemendum og foreldrum þeirra fyrir ánægjuleg samskipti á skólaárinu og vonar að þið njótið sumarsins. Hittumst hress og endurnærð í haust.

Nú fer að líða að lokum þessa skólaárs, þessa viku hafa staðið yfir svokallaðir vordagar þar sem aðaláhersla er lögð á útikennslu, að fræða nemendur um nánasta umhverfi og tengja það námsefni vetrarins.

Vorhátíð og skólaslit fara fram þriðjudaginn 2. júní.

Vorhátíðin verður með hefðbundnu sniði og hefst kl. 11:00 og lýkur um kl. 13:00.

Skólaslit Grunnskólans á Blönduósi fara fram í bíósal Félagsheimilisins á Blönduósi Þriðjudaginn 2. júní kl. 18:00.

Skólastjórnendur

Smellið á hnappin hér til hægri til að skoða

Til nemenda í 7., 8. og 9. bekk og forráðamanna þeirra!

Boðað er til fundar í Grunnskólanum á Blönduósi fimmtudaginn 28. maí kl. 17:15.

Efni fundarins:

Kynning á valgreinum sem í boði verða skólaárið 2009 - 2010.

Fundurinn fer fram í stofu 5.

Smellið á valgreinar (hér til hægri) til að skoða þær greinar sem í boði verða.

Aukasýning verður á Söngleiknum Fame sem nemendur í 8. – 10. bekk Grunnskólans á Blönduósi settu upp árshátíð skólans í vetur.

Sýningin verður föstudaginn 22. maí í Félagsheimilinu á Blönduósi og hefst hún kl. 20.

Fame er söngleikur um unglinga í listaskóla. Söngleikurinn gerist í Reykjavík árin 2003 – 2004 nánar til tekið í hinum rómaða Listaskóla Íslands. Söngleikurinn fjallar um unglingana í skólanum, ástir þeirra og listir. Ýmislegt gerist, gott og slæmt, sem unglingarnir þurfa að takast á við. Fame er nokkurs konar rómantískur gamanleikur um áhyggjuefni unglinga.

Leikarar eru nemendur úr 8., 9. og 10. bekk.

Leikstjóri er Jófríður Jónsdóttir.

Danshöfundur er Sigríður Ragndís Hilmarsdóttir.

Hljóð-, ljósa- og sviðsmenn eru nemendur úr 8., 9. og 10. bekk.

         Aðgangur er 1000 kr. fyrir þá sem búnir eru með grunnskóla, 500 kr. fyrir grunnskólanemendur og ókeypis er fyrir 6 ára og yngri.

Próftafla

Aðalfundur Foreldrafélags Grunnskólans á Blönduósi verður haldinn

miðvikudaginn 6. maí 2009 kl. 20 í Grunnskólanum.

Dagskrá:

-Lagabreytingar
-Venjuleg aðalfundarstörf
-Kosning stjórnar

Stjórnin

Stjórn foreldrafélagsins þakkar þeim foreldrum sem sáu sér fært að mæta á fyrirlestur Hafþórs Barða Birgissonar "Vakningarverkefni á vegum Heimilis og skóla um jákvæða og örugga notkun barna og unglinga á netinu".

Einnig þakkar stjórnin Hafþóri Barða fyrir góðan og fræðandi fyrirlestur.
 

Vakningarverkefni á vegum Heimilis og skóla um jákvæða og örugga notkun barna og unglinga á netinu

Fyrirlestur í Grunnskólanum á Blönduósi mánudaginn 27. apríl kl. 19:30 og í Höfðaskóla á Skagaströnd sama dag kl. 17:30.

Internetið er frábær upplýsingaveita og tæki til samskipta en þar felast einnig ýmsar hættur sem mikilvægt er fyrir foreldra að þekkja og gera sér grein fyrir.

Til að foreldrar geti talað við börnin sín og leiðbeint þeim um öryggi og góða hegðun þurfa þeir að þekkja það umhverfi sem þeir eru í dags daglega. Leiðbeiningar um “umferðarreglur” á netinu eru því orðinn einskonar hluti af uppeldishlutverkinu.

Á fyrirlestrinum mun verða farið í gegnum bloggsíður, tölfræðilegar upplýsingar, rafrænt einelti, netið og friðhelgi einkalífsins, netvini, nettælingu og aðeins rætt um kynslóðabilið, þ.e. hvers vegna mamma og pabbi skilja ekki tölvunotkun nemendanna.

Lögð verður áhersla á almenn samskipti á netinu, að allt sem þú gerir á netinu endurspeglar hver þú ert.

Foreldrafélag Grunnskólans á Blönduósi hvetur alla foreldra til að mæta á þennan fyrirlestur. Gert er ráð fyrir að hann taki ekki meira en klukkutíma.

Í gær fór 10. bekkur í heimsókn í FNV til að kynna sér starfsemi skólans ásamt 10. bekk á Skagaströnd.

Vel var tekið á móti hópnum og fengu krakkarnir að skoða skólastofur, sjá kennslu, skoða aðstöðu nemendafélags og skoða heimavist ásamt því að kynna sér baksturshæfileika mötuneytisstarfsfólks. Greinilegt er að skólayfirvöld eru hreykin af verkmenntadeildunum sínum. Málmiðnaðardeildin hefur nýlega fest kaup á tölvuvæddum tækjum eins og best gerast á vinnumarkaði. Tréiðnaðardeildin vinnur að mjög skemmtilegum verkefnum og þar er byggt eitt hús á hverri önn.

Í ferðinni hittum við marga fyrrverandi skólafélaga.

Góð ferð og takk fyrir okkur.

(texti AMV)

Hin árlega sumarskemmtun Grunnskólans á Blönduósi verður haldin sumardaginn fyrsta, 23. apríl.
Nemendur í 1.-7. bekk sjá um öll skemmtiatriði undir leiðsögn kennara.
Skemmtunin hefst kl. 14:00.
Aðgöngumiðinn kostar kr. 1000.
Ókeypis aðgangur er fyrir börn fædd 1996 (7. bekk) og yngri.

Með sumarkveðju,
starfsfólk Grunnskólans á Blönduósi.

Kökubasar Umf. Hvatar verður haldinn
að skemmtun lokinni!
 

Í dag 17. apríl er Stærðfræðidagur FNV en þá er keppt til úrslita í stærðafræðikeppni 9. bekkinga á Norðurlandi vestra. Að þessu sinni áttum við tvo fulltrúa í keppninni þá Margréti Ásgerði og Sindra Rafn. Margrét Ásgerður sigraði keppnina og óskum við henni innilega til hamingju með þennan glæsilega árangur.

Sindri Rafn, Margrét Ásgerður og Lilja stærðfræðikennari

Skólahópur leikskólans heimsótti skólann nú á dögunum. Nemendur 10. bekkjar og nemendur 1. bekkja sáu um að sýna þeim húsakynni og kynna þau fyrir starfsfólki skólans. Eftirvænting skein úr hverju andliti og hlökkum við til að fá þessa skemmtilegu nemendur í skólann í haust.  

Fleiri myndir

Hin árlegi íþróttadagur grunnskólanna í Húnavatnssýslum var haldin á Húnavöllum fimmtudaginn 2. apríl.

Þar mættu til leiks nemendur í 7.- 10. bekk og að þessu sinni var keppt í fótbolta, körfubolta og borðtennis. Keppnin var mjög spennandi en um svokallaða útsláttarkeppni var að ræða og ef leikir enduðu með jafntefli var dregið, þannig að spennan var gríðarleg.

Úrslit urðu sem hér segir:

Húnavallaskóli 17,5

Grunnskóli Húnaþings vestra 16

Grunnskólinn á Blönduósi 15,5

Höfðaskóli 15

Íþróttadeginum lauk svo með danskennslu og diskóteki.

Fleiri myndir

Nemendur Grunnskólans á Blönduósi gerðu góða ferð á Laugarbakka í gær þegar þrír nemendur 7. bekkjar fóru þangað til að taka þátt í Framsagnarkeppninni grunnskólanna í Húnavatnsþingi - vel studdir af sínum bekkjarfélögum.

Keppendur skólans að þessu sinni voru þau Atli Einarsson, Dagbjört Henný Ívarsdóttir og Hulda Sól Magneudóttir. Alls voru keppendurnir tólf frá grunnskólunum fjórum hér á svæðinu; Grunnskóla Húnaþings vestra, Húnavallaskóla og Höfðaskóla auk okkar.

Voru allir keppendurnir mjög frambærilegir og stóðu sig með sóma, dómnefnd keppninnar var því ekki öfundsverð af hlutskipti sínu en hana skipuðu þau Þórður Helgason frá HÍ, systkinin Sigrún og Gísli Grímsbörn og Júlíus Guðni Antonsson.

Það var svo Ívan Árni Róbertsson, Höfðaskóla, sem bar sigur úr býtum. Rakel Ósk Ólafsdóttir, Grunnskóla Húnaþings vestra, lenti í öðru sæti og Atli Einarsson úr skólanum okkar í því þriðja. Kannski má segja að allir skólarnir hafi átt sigurvegara í gær því Atli gekk áður í Húnavallaskóla en hóf nám í Grunnskólanum á Blönduósi síðast liðið haust.

Nú nálgast páskafríið óðfluga og nemendur í 1. bekk bjuggu til ljómandi fína páskaunga til að skreyta hjá sér. Þarna æfðu þau sig að klippa, brjóta blöð og skreyta.

Afraksturinn má sjá á myndinni.

Á fimmtudaginn 26. mars verður lokahátíð „Framsagnarkeppni grunnskólanna í Húnavatnsþingi“ haldin í félagsheimilinu Ásbyrgi Laugarbakka.

Á hátíðinni munu nemendur í 7. bekk, sem valdir hafa verið úr skólum byggðarlagsins, lesa brot úr skáldverki og ljóð. Að lokum mun dómnefnd velja þrjá bestu upplesarana og veita verðlaun.

Skáld keppninnar að þessu sinni  eru Brynhildur Þórarinsdóttir og Örn Arnarson. Keppendur munu lesa úr verkum Þeirra, sem og ljóð að eigin vali.

Tilgangur keppninnar er að glæða tilfinningu og metnað húnvetnskra grunnskólanema fyrir íslensku máli og framsögn.

Forkeppni fór fram í hverjum skóla fyrir sig þar sem valdir voru þrír keppendur sem fulltrúar hvers skóla.

Þeir keppendur sem taka þátt í keppninni fyrir hönd Grunnskólans á Blönduósi eru:

Atli Einarsson, Dagbjört Henný Ívarsdóttir og Hulda Sól Magneudóttir

Dómarar voru þau Guðjón E. Ólafsson, Kristín Guðjónsdóttir og Kolbrún Zophoníasdóttir.Texti SBA

6. - 10. bekkur

Árshátíð

6. - 10. bekkur

Í þemavikunni í síðustu viku var krökkunum í 6. til 10. bekk blandað í hópa sem hver um sig fékk ákveðna gönguleið til að ganga og vinna síðan frekari upplýsingar um.  Unnið var með upplýsingar um staðhætti, náttúrufar, hús, fyrirtæki og stofnanir og margt fleira. Við þessa vinnu lærðu krakkarnir margt nýtt og skemmtilegt um sitt nánast umhverfi. T.d. var hópur af krökkum sem vissu ekki neitt um heita vatnið nema að það kæmi úr krananum þegar skrúfað er frá. Í lok vikunnar gerðu sömu krakkar grein fyrir virkjunarsvæði, aðveituæð, dreifikerfi og ýmsu öðru sem tengist hitaveitunni. 

Krakkarnir fóru í heimsóknir til einstaklinga og fyrirtækja og öfluðu upplýsinga og fróðleiks sem reyndist ómetanlegur í þessu verkefni. Kunnum við öllum hinar bestu þakkir fyrir hlýjar móttökur og aðstoð.

Við lok hvers dags brugðu nemar undir sig betri fætinum og iðkuðu dansmennt undir styrkri stjórn Þórhöllu og Berglindar. Var ekki annað að sjá en svokallaðir gömludansar féllu vel í kramið hjá unglingunum. Á Árshátíðinni kom í ljós að danskennsla vikunnar hafði slegið í gegn og dansaði hver sem betur gat og allir tóku þátt.

Mataræði og hollusta var í fyrirrúmi þessa daga og fræddust nemar um innihald t.d. drykkja og morgunkorns og þótti sumum nóg um sykurinnihaldið.  Eftir að hafa fræðst um orkuþörf sína sáu margir að um umframneyslu er oft að ræða og mætti skera niður og kannski helst breyta til og borða ávexti, grænmeti, kjöt og fisk í staðinn fyrir pakkamat, nammi og gos. 

Á fimmtudaginn  komu góðir gestir í heimsókn þau Vanda Sigurgeirsdóttir og Jakob Frímann Þorsteinsson en auk þess að vera hjón starfa þau bæði við menntavísindasvið Háskóla Íslands. Vanda spjallaði við krakkana um mikilvægi hreyfingar og hve heilbrigðir lífshættir hafa mikil áhrif á jákvæða félagslega stöðu og árangur í lífinu almennt.

Jakob fór í skemmtilega leiki úti á skólalóð sem allt í senn fela í sér góða hreyfingu, skemmtun, fróðleik og blanda öllum saman án tillits til aldurs og þroska. Krakkarnir tóku virkan þátt í leikjunum og skemmtu sér hið besta.

Alla vikuna nutum við aðstoðar Páls Ingþórs Kristinssonar við að grúska í myndum, sagnfræðilegum heimildum, kortum ofl. gögnum og kunnum við honum bestu þakkir fyrir.

Anna Margret, Berglind, Hörður og Lilja

4. og 5. bekkur  -Heilbrigð sál í hraustum líkama -

Kveikjan að þemavikunni voru tvö myndbönd, annað um hollt mataræði og hitt um tóbaksvarnir.

Fyrstu tvo tímana á hverjum degi byrjuðum við á því að fara í íþróttahúsið og hver nemandi hljóp í 5 mín. og annar taldi ferðirnar. Við  ætlum svo  að leggja ferðirnar saman og athuga hvað við komumst langt á hringveginum. Það  var líka farið í ýmsa leiki og annað í íþróttahúsinu. t.d. lærðu nemendur nokkur undirstöðuatriði í glímu og vakti það mikla lukku.  Sumir héldu áfram að glíma í frímínútum. Eftir nesti á hverjum degi  var unnið með þrjú mismunandi verkefni; mataræði, andlega heilsu og líkamlega heilsu. Hóparnir voru þrír og fóru þeir allir í þessi verkefni á hverjum degi.

Mataræði. Við fórum yfir fæðuhringinn og bárum saman holla og óholla fæðu. Farið var í Samkaup og hóparnir fengu það verkefni að “versla” í innkaupakörfu hollan og óhollan mat  með tilliti til verðs og innihalds. Hóparnir fengu mismunandi verkefni að vinna með s.s. morgunmat, hádegismat og síðdegiskaffi.

Andleg heilsa. Þar var meðal annars farið í slökun, nemendur nudduðu hvorn annan og máluðu listaverk með fingrunum sem átti að lýsa jákvæðum tilfinningum.

Líkamleg heilsa. Þar var  farið yfir hvaða íþróttir væri hægt að stunda á Blönduósi og hvers  vegna hreyfing  væri góð fyrir líkama og sál.

Á föstudeginum kynntu hóparnir verkefni sín sem þeir höfðu unnið að alla vikuna. Við enduðum svo skemmtilega heilsuviku á sundlaugarpartýi. Nemendur héldu dagbók í þemavikunni þar sem skrifað var hvað þeir borðuðu í morgunmat og nesti og annað sem gert var í skólanum. Í lok hvers dags merktum við inn á veggspjald hvernig hver nemandi kom í skólann, á bíl, gekk eða á hjóli.

Kveðja Erla, Óli, Ragnheiður og allir krakkarnir í 4.-5. bekk.

1. - 3. bekkur

Í síðustu viku var mikið fjör í tengslum við heilsuvikuna. Vikan var byggð þannig upp að deginum var skipt í þrjá hluta; hreyfingu, andlega heilsu og bókleg verkefni. Nemendum var blandað saman í hópa og unnu þeir saman alla vikuna. Margt var brallað. Farið var í göngutúra, jóga, slökun, sund og íþróttasalurinn var notaður undir hina ýmsu leiki. Föstudagurinn var mjög fjörugur, við byrjuðum daginn á að búa til skilti með ýmsum heilsuslagorðum sem við notuðum þegar við fórum í heilsuskrúðgöngu um bæinn. Við enduðum síðan vikuna á heilsupartýi í íþróttasalnum þar sem við fengum hollan skyndibita, fórum í leiki og kepptum í fílafótbolta.  Allir voru sammála um að heilsuvikan hefði heppnast  mjög vel  og allir skemmtu sér konunglega. 

Anna Margret, Hrefna og Ingunn

Árshátíð

Þemavikunni lauk með árshátíð skólans sem var hin glæsilegasta. Voru skólastýrurnar að rifna úr stolti yfir þessum frábæru nemendum sem eru skólanum okkar alltaf til sóma. Sigurvegari  “Blönduvision” í ár var Guðbjörg Þorleifsdóttir 9. bekk.

Viljum við þakka öllum þeim sem komu á árshátíðina og vonum að þeir hafi skemmt sér eins vel og við.

Kæru nemendur takk fyrir frábæra skemmtun, þið eruð æðisleg!

Myndir frá þemavikunni og árshátíðinni eru á myndasíðu skólans.

Liðið okkar í Skólahreysti náði glæsilegum árangri og hreppti 3. sætið í sínum riðli með 40 stig. Við erum ákaflega stolt af liðinu okkar og má geta þess að í þremur af fimm greinum vorum við í einhverju af fjórum efstu sætunum. Elísa H. Hafsteinsdóttir var í 2. sæti í armbeygjum, Hilmar Þór Kárason náði 3. sætinu í dýfum og Kristinn J. Snjólfsson og Margrét Á. Þorsteinsdóttir náðu 4. sæti í hraðabrautinni. Við óskum þeim til hamingju með frábæran árangur.

Þættir af mótunum eru sýndir á RÚV á laugardögum kl.18:00 og endursýndir á sunnudögum og þriðjudögum.

Hin árlega árshátíð Grunnskólans á Blönduósi verður haldin

föstudaginn 13. mars í Félagsheimilinu á Blönduósi.

Húsið opnar kl. 19:00.

Árshátíðin hefst kl. 19:30 og lýkur kl. 01:00.

Dagskrá hefst með ávarpi formanns nemendaráðs Kristins Brynjars Pálssonar,

næst verður sýndur söngleikurinn FAME í leikstjórn Jófríðar Jónsdóttur.

Eftir leikritið verða glæsilegar kaffiveitingar og svo verður hin árlega og frábæra

Blönduvision sem allir bíða spenntir eftir, hljómsveitin Polyester spilar undir.

Eins og venjulega verður happdrætti.

Að lokinni skemmtidagskrá fer fram dansleikur þar sem hinn frábæri

plötusnúður DJ Magnificent spilar fyrir dansi.

Miðaverð

6. bekkur og eldri kr. 1500.-

1. – 5. bekkur kr. 800.-

6 ára og yngri fá frítt.

Vonandi sjá sem flestir sér fært að mæta.

Nemendur 8., 9. og 10. bekkjar

Dagana 9. – 13. mars verður haldin þemavika í skólanum. Yfirskrift vikunnar er heilsuvika, heilbrigð sál í hraustum líkama. Viðfangsefni verða fjölbreytt og mismunandi áherslur eftir aldursstigum.

Dagskrá hjá öllum verður frá 8:00 – 12:30 alla daga vikunnar en frí eftir hádegi.

Fimmtudaginn 12. mars nk. keppa þau Elísa H. Hafþórsdóttir, Kristinn J. Snjólfsson,  Hilmar Þór Kárason og Margrét Á. Þorsteinsdóttir  fyrir hönd skólans í Skólahreysti. Keppnin verður haldin í Íþróttahöllinni á Akureyri og hefst hún kl 15:00. Lagt verður af stað 11:30.

Öllum nemendum í 8. – 10. bekk er boðið að fara með til að hvetja okkar þátttakendur.

Brottför er frá Akureyri er 18:30.

Þættir af mótunum eru sýndir á RÚV á laugardögum kl.18:00 og endursýndir á sunnudögum og þriðjudögum.

Vikan endar á árshátíð skólans föstudagskvöldið 13. mars. Það eru nemendur í 8. - 10. bekk sem sjá um að skemmta okkur hinum og verður dagskráin m.a. auglýst í skólablaðinu Vit sem borið verður í hús í heilsuvikunni.

Er ekki um að gera að drífa sig út og freista gæfunnar.

Miðvikudaginn 25. febrúar 2009 verður hið árlega grímuball haldið í Félagsheimilinu.

Dagskrá:

19:00   Húsið opnar.

19:30   Marsering.

            Verðlaunaafhending.

Kötturinn sleginn úr tunnunni.

21:30   Dansi lýkur.

Aðgangseyrir kr. 300 fyrir grímuklædda.

                        kr. 700 fyrir aðra.

                        Frítt fyrir yngri en 6 ára.

Nemendur, foreldrar og aðrir bæjarbúar eru hvattir til að koma grímuklæddir. Veitt verða verðlaun fyrir frumlega og fallega búninga og góðan leik.

Skólastjóri.

Myndir frá Öskudeginum eru komnar á myndavefinn.

Það er óhætt að segja að það eru engir tveir skóladagar eins. Þetta á í það minnsta við um óvænta uppákomu sem varð rétt fyrir hádegi í dag – en þá kom lítil gylta í heimsókn í íþróttahúsið.

Ekki er laust við að hún hafi vakið athygli og voru ófáir nemendur sem fengu aðeins að strjúka henni eða halda á. Sumum nægði hins vegar að horfa bara á gripinn.

Gylta þessi, sem í raun er bara lítill grís enn, er afmælisgjöf til ágætrar bóndakonu hér í sveit. Tvennt var á óskalista afmælisbarnsins og var grís annað þess sem óskað var. Það er ekki leiðinlegt að láta óskir rætast á þessum síðustu og verstu tímum...

Nemendur í 7. bekk hafa nú hafið æfingar fyrir Stóru upplestrarkeppnina sem fer fram þann 26. mars næst komandi. Af því tilefni buðu nemendur bekkjarins foreldrum sínum eina kvöldstund í skólann til að hlusta á þá lesa upp úr nýjum bókum frá Forlaginu og Skjaldborg. Varð úr hin notalegasta stund sem allir höfðu gott og gaman af. Næst á að æfa sig að flytja ljóð og er aldrei að vita hverju bekkurinn tekur uppá við þær æfingar.

Við gerðum verkefni í textílmennt. Við teiknuðum myndir sem við eigum að vefa. Svo gerðum við 5 hæða snjókarl. Hann var stærri en Anna Margret og hún var í vandræðum með að koma hausnum á. Síðan gerðum við barn fyrir hann svo hann yrði ekki einmanna. Vonandi mun enginn eyðileggja hann svo fólk sem fer í kvöldgöngu sjái hann. Nema hann bráðni eins og Snæfinnur. Snjókarlinn okkar heitir Snæfinnur Fimmfaldi og barnið Gosi enda er hann með langt trénef.

Kveðja Fílar og Anna Margret

Í dag fengum við góða heimsókn á vegum bókmenntaverkefnisins „Skáld í skólum", en til okkar komu Iðunn Steinsdóttir, rithöfundur, og Hjörleifur Hjartarson, rithöfundur og þýðandi. Hver trúir því að froskur geti breytt sér í snigil eða fugl? Eða dreki spilað fótbolta?Höfundarnir ferðuðust með nemendum um ævintýraheima þar sem ólíklegustu skepnur vildu endilega kynnast börnum, sem hefði verið besta mál ef þær væru ekki stórhættulegar á köflum. En allir komust heilir frá þessari skemmtilegu og fróðlegu heimsókn og þökkum við þeim Iðunni og Hjörleifi kærlega fyrir komuna.

Kæru foreldrar/forráðamenn

Á fundi bæjarráðs Blönduóssbæjar þann 18. des. var bæjarstjóra falið að ganga til samninga við Blöndubyggð ehf. um skólamáltíðir og um leigu á húsnæði. Samningar hafa náðst og mun fyrirkomulag skólamáltíða vera með sama snið og á sama stað og verið hefur.

Pöntunarblað er hægt að nálgast hér

Starfsfólk Grunnskólans á Blönduósi óskar nemendum og fjölskyldum þeirra

 gleðilegra jóla og farsældar á nýju ári.

Því miður verða slys á börnum í tengslum við flugelda um hver einustu áramót. Flest þessara slysa verða hjá strákum og alvarlegustu slysin verða þegar meðhöndla flugeldavörurnar á annan hátt en ætlast er til. Slysavarnafélagið Landsbjörg hefur undanfarin ár reynt að sporna við þessum slysum með ýmsum hætti, svo sem flugeldagleraugum og almennri fræðslu.

Hægt er að horfa á þetta myndband með því að smella á myndina.

Dagskrá

14:00  Mæting í skólann

14:10  Gengið til kirkju

1. Hugvekja

2. Kór, 4.—6. bekkur

3. Helgileikur - nemendur í 6. bekk

4. Kór, 1.—6. bekkur

14:40  Jóladansleikur í íþróttasal

15:30  Litlu jól í stofum

16:30  Dagskrárlok

Nemendur eiga að hafa með sér smákökur og/eða kex og drykk. Gosdrykkir eru leyfðir en ekki sælgæti. Nemendur þurfa einnig að koma með sprittkerti og ílát undir það og litla jólagjöf. Miðað er við að gjöfin kosti u.þ.b. 300 kr.

Foreldrar er hvattir til þess að taka þátt í þeirri dagskrá sem fram fer í kirkjunni og íþróttasalnum.

Athygli er vakin á því að skóladagheimilið er opið fyrir hádegi. Foreldrar eru vinsamlega beðnir um að láta vita ef þeir hafa áhuga á að nýta sér það.

Gleðileg jól!

Starfsfólk Grunnskólans á Blönduósi

Kynning verkefnisins var 27.nóvember kl. 19:15 í bekkjarstofunum og var fjölskyldum barnanna boðið á sýninguna.  Börnin buðu upp á kaffi, kökur og annað gotterí sem þau bjuggu til í heimilisfræði.

Ég óska nemendum innilega til hamingju með frábæra sýningu og þakka þeim fyrir að þau gerðu æfingakennsluna svo skemmtilega fyrir mig!

Kveðja Sonja

Leikritið "Hvar er Stekkjarstaur?" er eftir Pétur Eggerz og er sýningin sett upp af Möguleikhúsinu.

Aðventudagurinn er dagur fyrir alla fjölskylduna, líka afa, ömmu og önnur viðhengi. Nemendur 10. bekkjar sjá um kaffisölu til fjáröflunar fyrir bekkinn og spil verða í boði fyrir þá sem ekki eru í föndurstuði

Skólabúðirnar í Reykjaskóla tóku til starfa haustið 1988 og hafa starfað óslitið síðan. Nemendum grunnskóla víðsvegar að af landinu gefst kostur á að dvelja í skólabúðunum, vikutíma í senn við nám, leik og störf. Árlega koma á bilinu 2800-3000 börn í skólabúðirnar og miðast starfstíminn að mestu við skólaár grunnskóla landsins(heimild:http://www.skolabudir.is/).

Glæsilegir vinningar!

Blönduós:  4. nóvember kl. 16:00-18:00 í Félagsheimilinu á Blönduósi
Fundarstjóri verður Gunnar Bragi Sveinsson, formaður SSNV

Menntamálaráðuneytið hefur tilkynnt um að fresta þurfi borgarafundi með ráðherra á Blönduósi sem vera átti að kvöldi 4. nóvember.

Minnum á vetrarfríið föstudaginn 7. nóvember og mánudaginn 10. nóvember!

Nemendur 10. bekkjar heimsóttu í gær Menntaskólann á Akureyri og Verkmenntaskólann á Akureyri. Fjölbrautaskólinn á Sauðárkróki verður svo sóttur heim í byrjun mars. Þá ættu nemendur að vera búnir að fá góða kynningu á þeim skólum sem eru okkur næstir hér á Norðurlandi.

Smellið á nöfn skólanna til að sjá heimasíður þeirra.

Í síðustu viku heimsótti Róbert Freyr Gunnarsson lögreglumaður nemendur í 1. - 6. bekk. Hann fór yfir ýmsar reglur sem mikilvægt er að virða og fara eftir t.d. umferðarreglur, reglur um; útivist, hjálma, bílbelti og fleira. Róbert Freyr er forvarnafulltrúi lögreglunnar hér í umdæminu. Hægt er að lesa um forvarnarverkefni lögreglunar á lögregluvefnum.

Undanfarnar vikur höfum við haft þrjá kennaranema hér í skólanum.  Hægt er að lesa meira um nemana og viðfangsefni þeirra á Óvitanum (glæsilegur fréttavefur sem fjölmiðlaval heldur úti) og einnig eru myndir á myndasíðunni.

Pöntunarseðill fyrir nóvember er kominn á vefinn, smellið á skólamáltíðir hér til vinstri.

Vinsamlega skilið pöntunarmiðanum í síðasta lagi fyrir hádegi

miðvikudaginn 22. okt. 2008!

Foreldrar eiga það sameiginlegt að vilja að börnum þeirra líði vel. Mikilvægt er fyrir okkur öll  að staldra við og huga að því sem eykur vellíðan barna.

Menntamálaráðuneytið hefur beitt sér fyrir samráði allra aðila sem vinna að velferð barna og unglinga með það að markmiði að veita þeim viðeigandi stuðning.

Verum óhrædd við að leita ráða í þeim erfiðleikum sem við okkur blasa. Leitum til okkar nánustu og kynnum okkur þær leiðir aðrar sem samfélagið býður upp á til stuðnings við fjölskyldur. Meira

Tríóið Guitar Islancio héldu tónleika fyrir nemendur grunnskólans í morgun. Fjölmiðlaval skrifar meira um tónleikana á Óvitanum.

Mánudaginn 6. október er starfsdagur í skólanum og því engin kennsla þann dag. Þriðjudaginn 7. október er foreldraviðtalsdagur, nemendur fara heim með fundarboð fyrir helgi. Skóladagheimilið er opið þessa daga (sjá heimsenda miða) og verða foreldrar að hafa samband við Höllu ef þeir ætla að nýta sér þjónustuna.

Gísli Súrsson byggir á einni af þekktustu Íslendingasögunum. Leikurinn segir af örlögum Gísla Súrssonar og fjölskyldu hans sem taka land í Haukadal í Dýrafirði. Gengur þeim allt í haginn í fyrstu og verða brátt hinir mestu höfðingjar. En skjótt skipast veður í lofti og brátt er farið að fella mann og annan. Þetta endar loks með því að Gísli er útlægur ger.
Sýningin var mjög skemmtileg og ekki annað að sjá en að nemendur hefðu gaman af.

Íþróttamiðstöðin á Blönduósi hefur opnað upplýsingarvef.
Vefurinn er fyrst og fremst hugsaður sem upplýsingarvefur og er meiningin að vera með fréttir varðandi það sem er í boði í Íþróttamiðstöðinni. Hægt verður að sjá stundatöflu, verðskrár, opnunartíma, reglur, ofl. á vefnum.
Einnig er hægt að nálgast teikningar af nýju sundlauginni.

Vefurinn er í þróun hjá okkur þannig að verið ófeimin að koma með ábendingar um það sem betur mætti fara og senda þær á vefstjóra til skoðunar.

Róbert Daníel Jónsson, starfsmaður íþróttamiðstöðvar, er umsjónarmaður vefsins og sá hann jafnframt um uppsetningu.
Tengill á síðuna er í efnisyfirlitinu hér til vinstri

Hinir árlegu kynningarfundir verða haldnir dagana 9. og 10. sept. nk.

Þriðjudagur, 9. september:

·          Olweusarfundur fyrir alla foreldra grunnskólans verður kl. 19:30 í Félagsheimilinu á Blönduósi. Á fundinum verða kynntar niðurstöður úr eineltiskönnun sem lögð var fyrir nemendur í skólanum s.l. vetur. Guðbjörg Inga Guðmundsdóttir sérkennari í Grunnskóla Húnaþings vestra og umsjónarmaður Olweusarverkefnisins hér á þessu svæði mun kynna niðurstöðurnar.

·         Kynningarkvöld fyrir foreldra 1. – 5. bekkjar. Fundir hefjast kl. 20:30 og gert er ráð fyrir að þeim ljúki kl. 21:30. Dagskráin fer fram í heimastofum viðkomandi bekkja þar sem foreldrar hitta umsjónarkennara barna sinna og farið verður yfir skólastarf vetrarins.

Miðvikudagur, 10. september:

Kynningarkvöld fyrir foreldra 6. – 9. bekkjar.

Fundir hefjast kl. 19:30 og gert er ráð fyrir að þeim ljúki kl. 20:30. Dagskráin fer fram í heimastofum viðkomandi bekkja þar sem foreldrar hitta umsjónarkennara barna sinna og farið verður yfir skólastarf vetrarins.

Mikilvægt er að allir nemendur eigi a.m.k. einn fulltrúa á þessum fundum.

Skólastjóri

Pöntunarseðilinn er hægt að finna með því að smella á skólamáltíðir hér til vinstri og svo á viðeigandi mánuð.

Með von um skjót viðbrögð

Sigríður B. Aadnegard aðstoðarskólastjóri

Grunnskólinn á Blönduósi verður settur miðvikudaginn 20. ágúst næstkomandi kl. 11:00 í Blönduóskirkju. Foreldrar eru hvattir til þess að koma með börnum sínum. Að lokinni skólasetningarathöfn munu nemendur hitta umsjónarkennara sína og fá afhentar stundatöflur. Kennsla í 2.-10. bekk hefst samkvæmt stundaskrá fimmtudaginn 21. ágúst. Nemendur í 1. bekk verða boðaðir til viðtals með forráðamönnum fimmtudaginn 21. ágúst og hefja nám samkvæmt stundaskrá föstudaginn 22. ágúst.

Þeir foreldrar sem eiga eftir að skrá börn sín í skólann eru beðnir um að gera það sem fyrst.

Halla Bernódusdóttir verður á skóladagheimilinu 20. ágúst strax að lokinni skólasetningu og til kl. 13:00 og veitir upplýsingar og tekur niður pantanir vegna lengdrar viðveru, sem boðið er upp á fyrir nemendur í 1.-4. bekk. Nauðsynlegt er að þeir foreldrar sem hyggjast nýta sér þessa þjónustu skrái börn sín þennan dag. Hægt er að nálgast upplýsingar um skóladagheimilið á heimasíðu skólans.

Þórhalla Guðbjartsdóttir

skólastjóri