Fréttir

Þann 29. maí voru skólaslit í Blönduskóla. Starfsfólk Blönduskóla sendir nemendum og forráðamönnum barna í Blönduskóla, sem og öðrum Blönduósingum sumarkveðjur og þakkar fyrir þennan óvenjulega en góða vetur.

Skóladagatal fyrir næsta skólaár er komið inn á heimasíðu skólans. Hægt er að nálgast það í flýtileið hér á forsíðu eða hér.

Föstudaginn 8. maí til laugardagsins 9. maí ætla nemendur 10. bekkjar Blönduskóla að vera í skólanum og læra í 24 klukkustundir í námsmaraþoni. Námsmaraþonið er hluti af fjáröflun bekkjarins vegna vorferðar sem áætluð er í lok maí.

Árlegt grímuball Blönduskóla og Barnabæjar verður á sínum stað í Félagsheimilinu á Blönduósi á öskudaginn, miðvikudaginn 26. febrúar. Húsið opnar kl. 16:15 og hálftíma síðar verður marserað, dansað, kötturinn sleginn úr tunnunni og dansað meira. Ballinu lýkur kl. 18:00. Miðaverð er kr. 500 fyrir grímuklædda en kr. 1.000 fyrir aðra.

Appelsínugul viðvörun er fyrir Norðurland vestra allan daginn á morgun, föstudaginn 14. febrúar og fram að miðnætti. Vegna slæmrar veðurspár og tilmæla frá Almennanefnd Norðurlands-vestra verða því bæði grunn- og leikskóli lokaðir. Árshátíð Blönduskóla verður færð aftur um sólahring og verður haldin laugardaginn 15. febrúar kl. 19:00.

Árleg árshátíð Blönduskóla verður haldin 14. febrúar næstkomandi í Félagsheimilinu á Blönduósi. Húsið opnar 18:30 en dagskráin hefst kl. 19:00 Að leikriti loknu verða veitingar og tónlistaratriði í danssal auk happdrættis. Því næst verður dansleikur fyrir 6. bekk og eldri til miðnættis.

Á mánudaginn hófust uppbrotsdagar hjá 7.-10. bekk og eru nemendur nú á fullu að undirbúa árshátíð sem haldin verður föstudaginn 14. febrúar.

Allt skólahald fellur niður á morgun þriðjudaginn 14. janúar bæði í grunn- og leikskóla. Appelsínugul viðvörun er fyrir Norðurland vestra allan daginn á morgun.

Starfsfólk Blönduskóla óskar nemendum og fjölskyldum þeirra gleðilegra jóla og farsældar á komandi ári með þökk fyrir gott samstarf á árinu sem er að líða.